ಕೆಲವು ಹಾಡುಗಳು ಬೇಗನೇ ಕೇಳುಗರ ಮನಗೆಲ್ಲುತ್ತವೆ. ಅದು ಯಾವ ಮಟ್ಟಿಗೆಂದರೆ ಮತ್ತೆ ಮತ್ತೆ ಕೇಳಬೇಕು ಎಂದು. ಸದ್ಯ ಆ ತರಹ ಕ್ಲಿಕ್‌ ಆಗಿರುವ ಹಾಡು “ಗಡಂಗ್‌ ರಕ್ಕಮ್ಮ…’. ಸುದೀಪ್‌ ನಟನೆಯ “ವಿಕ್ರಾಂತ್ ರೋಣ’ ಚಿತ್ರದ “ಗಡಂಗ್‌ ರಕ್ಕಮ್ಮ’ ಹಾಡು ಸದ್ಯ ಎಲ್ಲರ ಹಾಟ್‌ಫೆವರೇಟ್‌ ಆಗಿದೆ. ಸೋಶಿಯಲ್‌ ಮೀಡಿಯಾ ತುಂಬಾ ಈ ಹಾಡಿಗೆ ಶಾಟ್ಸ್‌, ವಿಡಿಯೋ ಮಾಡಿ ಹಾಕುವವರ ಸಂಖ್ಯೆ ದಿನೇ ದಿನೇ ಹೆಚ್ಚುತ್ತಿದೆ. ಪರಿಣಾಮವಾಗಿ ರಕ್ಕಮ್ಮನ ಮೊಗದಲ್ಲಿ 50 ಮಿಲಿಯನ್‌ ಖುಷಿ.
ಹೌದು,ಜಾಕ್ವೆಲಿನ್‌ ಫ‌ರ್ನಾಂಡೀಸ್‌ ಸ್ಟೆಪ್‌ ಹಾಕಿರುವ ಈ ಹಾಡು ಕನ್ನಡ, ಹಿಂದಿ, ತೆಲುಗು, ತಮಿಳು ಹಾಗೂ ಮಲಯಾಳಂನಲ್ಲಿ ಬಿಡುಗಡೆಯಾಗಿದ್ದು, ಈ ಎಲ್ಲಾ ವೀಕ್ಷಣೆಯಿಂದ ಹಾಡು 50 ಮಿಲಿಯನ್‌ ಹಿಟ್ಸ್‌ ಪಡೆದುಕೊಂಡಿದೆ.
ನಿರ್ದೇಶಕ ಅನೂಪ್‌ ಭಂಡಾರಿ ಸಾಹಿತ್ಯವಿರುವ “ರ.. ರ.. ರಕ್ಕಮ್ಮ… ‘ ಎಂಬ ಸಾಲಿನಿಂದ ಶುರುವಾಗುವ ಈ ಹಾಡಿಗೆ ಬಿ. ಅಜನೀಶ್‌ ಲೋಕನಾಥ್‌ ಸಂಗೀತ ಸಂಯೋಜಿಸಿದ್ದು, ನಕಾಶ್‌ ಅಜೀಜ್‌, ಸುನಿಧಿ ಚೌಹಾಣ್‌ ಹಾಡಿಗೆ ಧ್ವನಿಯಾಗಿದ್ದಾರೆ.
ಇದನ್ನೂ ಓದಿ:ಹೆಚ್ಚಾಗುತ್ತಿದೆ ಚಾರ್ಲಿ ಕ್ರೇಜ್‌: ಜೂ.10ರಂದು ಕಿರಣ್ ರಾಜ್ ಚಿತ್ರ ಬಿಡುಗಡೆ
ಇನ್ನು ಈ ಹಾಡಿಗೆ ಜಾನಿ ಮಾಸ್ಟರ್‌ ನೃತ್ಯ ಸಂಯೋಜಿಸಿದ್ದು, ಜಾಕ್ವೆಲಿನ್‌ ಗ್ಲಾಮರಸ್‌ ಲುಕ್‌ನಲ್ಲಿ ಹೆಜ್ಜೆ ಹಾಕಿದ್ದಾರೆ. ಇನ್ನು ಯು-ಟ್ಯೂಬ್‌ನಲ್ಲಿ ಈ ಹಾಡು ಬಿಡುಗಡೆಯಾ ಗುತ್ತಿದ್ದಂತೆ, ವೈರಲ್ ಆಗಿದ್ದು, ರಕ್ಕಮ್ಮ ನಾಗಿ ಜಾಕ್ವೆಲಿನ್‌ ಪಡ್ಡೆಗಳ ಹಾರ್ಟ್‌ಬೀಟ್‌ ಏರಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಪ್ಯಾನ್‌ ಇಂಡಿಯಾ ಮಟ್ಟದಲ್ಲಿ ಹವಾ ಸೃಷ್ಟಿಸಿರುವ “ವಿಕ್ರಾಂತ್ ರೋಣ’ ಚಿತ್ರ ಜುಲೈ 28ರಂದು ವಿಶ್ವದಾದ್ಯಂತ ತೆರೆಕಾಣುತ್ತಿದೆ. ಈ ಸಿನಿಮಾದ ಬಿಡುಗಡೆಯನ್ನು ಅದ್ಧೂರಿಯಾಗಿ ಸಂಭ್ರಮಿಸಲು ಕಿಚ್ಚನ ಅಭಿಮಾನಿ ಬಳಗ ಕೂಡಾ ತಯಾರಿ ನಡೆಸುತ್ತಿದೆ.
