ಶಿಮ್ಲಾದಲ್ಲಿ ನದಿಗೆ ಉರುಳಿದ ಪ್ರವಾಸಿಗರ ಬಸ್‌:44 ಮಂದಿ ದಾರುಣ ಸಾವು 

ಶಿಮ್ಲಾ: ಇಲ್ಲಿ ಬುಧವಾರ ಭೀಕರ ದುರಂತವೊಂದು ನಡೆದಿದ್ದು, ಪ್ರವಾಸಿಗರ ಬಸ್ಸೊಂದು ಟೋನ್ಸ್‌ ನದಿಗೆ ಉರುಳಿ 44 ಮಂದಿ ದಾರುಣವಾಗಿ ಸಾವನ್ನಪ್ಪಿರುವ ಬಗ್ಗೆ ವರದಿಯಾಗಿದೆ. 

56 ಪ್ರವಾಸಿಗರನ್ನು ಹೊತ್ತು ಉತ್ತರಾಖಂಡದ ತಿಯುನಿಗೆ ಪ್ರಯಾಣ ಬೆಳೆಸಿದ್ದ ಬಸ್‌ ನಿರ್ಜನ ಪ್ರದೇಶದಲ್ಲಿ ರಸ್ತೆಯಿಂದ ನದಿಗೆ ಉರುಳಿ ಬಿದ್ದಿದೆ ಎಂದು ವರದಿಯಾಗಿದೆ.

ಸ್ಥಳಕ್ಕೆ ಪೊಲೀಸರು ದೌಡಾಯಿಸಿ ರಕ್ಷಣಾ ಕಾರ್ಯ ನಡೆಸುತ್ತಿದ್ದು, ಸಾವಿನ ಸಂಖ್ಯೆ ಹೆಚ್ಚಾಗುವ ಸಾಧ್ಯತೆಗಳಿವೆ ಎನ್ನಲಾಗಿದೆ.