ಜೈಪುರ : ಮದುವೆ ಊಟ ಮಾಡಿದ ವಧು ಸಹಿತ 35 ಮಂದಿಗೆ ಹೊಟ್ಟೆ ನೋವು, ವಾಂತಿ ಭೇದಿ

ಜೈಪುರ : ಇಲ್ಲಿನ ಮದುವೆ ಸಮಾರಂಭವೊಂದರಲ್ಲಿ ವಧು ಸೇರಿ ಊಟ ಮಾಡಿದವರಲ್ಲಿ 35 ಮಂದಿ ಅಸ್ವಸ್ಥರಾದ ಘಟನೆ ನಡೆದಿದೆ ಎಂದು ಆರೋಗ್ಯಾಧಿಕಾರಿಗಳು ತಿಳಿಸಿದ್ದಾರೆ.

ಜೈಪುರದಲ್ಲಿ ಮದುವೆ ಸಮಾರಂಭ ಮುಗಿಸಿ ಸೋಮವಾರ ರಾತ್ರಿ ದೌಸಾ ಗೆ ಮರಳಿದ ಅನೇಕ ಅತಿಥಿಗಳು ಹೊಟ್ಟೆ ನೋವು, ವಾಂತಿ, ಭೇದಿಯಿಂದ ಬಳಲತೊಡಗಿದರು.

ಒಡನೆಯೇ ಅವರನ್ನು ಸರಕಾರಿ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ನೀಡಲಾಯಿತು. ಅವರಲ್ಲಿ ಇನ್ನೂ ಆರು ಮಂದಿ ಆಸ್ಪತ್ರೆಯಲ್ಲಿ ಉಳಿದಿದ್ದಾರೆ ಎಂದು ದೌಸಾ ಮುಖ್ಯ ವೈದ್ಯ ಮತ್ತು ಆರೋಗ್ಯಾಧಿಕಾರಿ ಡಾ. ಒ ಪಿ ಬೈರ್ವಾ ತಿಳಿಸಿದ್ದಾರೆ.