5 ವರ್ಷ ಪೂರ್ಣಗೊಳಿಸಿದ ಮಹಾರಾಷ್ಟ್ರದ 2ನೇ ಸಿಎಂ ಫಡ್ನವೀಸ್‌

ಮುಂಬಯಿ: ಮಹಾರಾಷ್ಟ್ರದ ರಾಜಕೀಯದಲ್ಲಿ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್‌ ಅವರು ಹೊಸ ಇತಿಹಾಸವನ್ನು ಸೃಷ್ಟಿಸಿ¨ªಾರೆ. ರಾಜ್ಯದಲ್ಲಿ ಕಾಂಗ್ರೆಸ್‌ ಆಡಳಿತ ಹೊರತು ಪಡಿಸಿದರೆ ಇತರ ಪಕ್ಷಗಳ ನೇತೃತ್ವದಲ್ಲಿ ಯಾವ ನಾಯಕರು ಕೂಡ ಸತತ 5 ವರ್ಷಗಳ ಕಾಲ ನೇತೃತ್ವ ನಿಭಾಯಿಸಿಲ್ಲ. ಅದಲ್ಲದೆ ಬಿಜೆಪಿ – ಶಿವಸೇನೆಯ ಮೈತ್ರಿ ಆಡಳಿತದಲ್ಲಿ 5 ವರ್ಷ ಪೂರ್ಣಗೊಳಿಸಿದ ಮೊದಲ ಮುಖ್ಯಮಂತ್ರಿ ಎಂಬ ಹೆಗ್ಗಳಿಕೆಗೆ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್‌ ಅವರು ಪಾತ್ರರಾಗಿದ್ದಾರೆ.
ಮುಖ್ಯವಾಗಿ, 1972ರ ಅನಂತರದ ಅವಧಿಯಲ್ಲಿ ನೇತೃತ್ವ ನಡೆಸಿದ ಯಾವುದೇ ಪಕ್ಷಗಳ ನಾಯಕರು 5 ವರ್ಷಗಳ ಕಾಲ ತಮ್ಮ ಸರಕಾರವನ್ನು ಉಳಿಸಿಕೊಳ್ಳುವುದರಲ್ಲಿ ವಿಫಲಗೊಂಡಿದ್ದರು. ಇದಕ್ಕೂ ಮೊದಲು ವಸಂತರಾವ್‌ ನಾಯಕ್‌ ಅವರು ಸತತ 13 ವರ್ಷಗಳ ಕಾಲ ಮುಖ್ಯಮಂತ್ರಿಯಾಗಿದ್ದರು. ಐದು ವರ್ಷಗಳ ಅಧಿಕಾರಾವಧಿಯನ್ನು ಪೂರ್ಣಗೊಳಿಸಿದ ದೇವೇಂದ್ರ ಫಡ್ನವೀಸ್‌ ಎರಡನೇ ಮುಖ್ಯಮಂತ್ರಿಯಾಗಿದ್ದಾರೆ.

ಫಡ್ನವೀಸ್‌ ಅವರ ಆಯ್ಕೆಯ ಬಗ್ಗೆ ಚರ್ಚೆಯನ್ನು ನಡೆಸುತ್ತಿರುವ ರಾಜಕಾರಣಿಗಳ ಭವಿಷ್ಯವಾಣಿಯನ್ನು ಸುಳ್ಳು ಎಂದು ತಿಳಿಸುವ ಮೂಲಕ ಫಡ್ನವೀಸ್‌ ಅವರು ಸತತ ಐದು ವರ್ಷಗಳ ಅಧಿಕಾರಾವಧಿಯನ್ನು ಪೂರ್ಣಗೊಳಿಸಿದರು.

ಮೈತ್ರಿಯ ಆಡಳಿತದಲ್ಲಿರುವ ಶಿವಸೇನೆಯು ನಿರಂತರವಾಗಿ 5 ವರ್ಷಗಳ ಕಾಲ ಸರಕಾರದಿಂದ ಹೊರನಡೆಯುವ ಬಗ್ಗೆ ಹೇಳಿಕೆ ನೀಡಿತ್ತು. ಆದರೆ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್‌ ಅವರು ಶಿವಸೇನೆಯ ಜತೆ ತಮ್ಮ ಮೈತ್ರಿಯನ್ನು ಕಾಯ್ದಿರಿಸಿಕೊಳ್ಳುವ ಜತೆಗೆ ಎಲ್ಲ ನಾಯಕರನ್ನು ಒಟ್ಟಾಗಿಸಿ ತಮ್ಮ ನೇತೃತ್ವವನ್ನು ನಿಭಾಯಿಸುವಲ್ಲಿ ಯಶಸ್ವಿಯಾದರು.

ಯಶಸ್ವಿ ನಾಯಕ
ಆರಂಭದಲ್ಲಿ ವಿದರ್ಭದ ಮುಖ್ಯಮಂತ್ರಿ ಎಂದು ಟೀಕೆಗೆ ಒಳಗಾದ ಸಿಎಂ ಫಡ್ನವೀಸ್‌ ಅವರು, ವಿವಿಧ ಯೋಜನೆಗಳನ್ನು ರಾಜ್ಯವ್ಯಾಪ್ತಿ ಹಮ್ಮಿಕೊಳ್ಳುವ ಮೂಲಕ ಉತ್ತಮ ನಾಯಕ ಎನ್ನುವ ಹೆಗ್ಗಳಿಕೆಗೆ ಪಾತ್ರರಾದರು. ರಾಜ್ಯದ ಅಭಿವೃದ್ಧಿ ಕಾರ್ಯ ನಿಭಾಯಿಸುವ ಜತೆಗೆ ಟೀಕಿಸುತ್ತಿದ್ದ ವಿರೋಧಿಗಳನ್ನು ಸೋಲಿಸಿ ಕೊನೆಯಲ್ಲಿ, ವಿಪಕ್ಷದ ನಾಯಕರನ್ನು ಬಿಜೆಪಿಗೆ ಕರೆತರುವ ಕಾರ್ಯ ಜಾಣಾಕ್ಷತೆಯಿಂದ ನಡೆಸಿದರು. ಕಳೆದ 5 ವರ್ಷಗಳಲ್ಲಿ, ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್‌ ಅವರು ತಮ್ಮ ರಾಜಕೀಯ ಜೀವನದಲ್ಲಿ ಅನೇಕ ಸಮಸ್ಯೆಗಳನ್ನು ಎದುರಿಸಬೇಕಾಯಿತು. ಪ್ರತಿಭಟನೆಗಳು, ಸಾಮಾಜಿಕ ಸಮಸ್ಯೆಗಳು ಎಲ್ಲದನ್ನು ಎದುರಿಸುವಲ್ಲಿ ಸತತ ಪ್ರಯತ್ನಗಳನ್ನು ನಡೆಸಿ ಜಯಿಸಿದ್ದಾರೆ. ಸಿಎಂ ಫಡ್ನವೀಸ್‌ ಅವರು ಕಳೆದ ಐದು ವರ್ಷಗಳಿಂದ ಮುಖ್ಯಮಂತ್ರಿ ಹುದ್ದೆ ಯನ್ನು ಆಯೋಜಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಸಿಎಂ ದೇವೇಂದ್ರ ಫಡ್ನವೀಸ್‌ ಅವರ ನಾಯಕತ್ವದಲ್ಲಿ ಮತ್ತೆ ಬಿಜೆಪಿ ವಿಧಾನಸಭೆ ಚುನಾವಣೆಯನ್ನು ಎದುರಿಸಲು ಸಿದ್ಧವಾಗಿದೆ.