Zero ticket ಶಕ್ತಿ ಯೋಜನೆಗೆ 294 ಕೋ. ರೂ. ಬಿಡುಗಡೆ

 

ಬೆಂಗಳೂರು: ಶಕ್ತಿ ಯೋಜನೆಯಡಿ ಜುಲೈ ತಿಂಗಳಲ್ಲಿ ಪ್ರಯಾಣಿಸಿರುವ ಮಹಿಳೆಯರ ಶೂನ್ಯ ಟಿಕೆಟ್‌ ವೆಚ್ಚ ಮರುಪಾವತಿಗಾಗಿ 294.74 ಕೋಟಿ ರೂ.ಗಳನ್ನು ನಾಲ್ಕು ಸಾರಿಗೆ ನಿಗಮಗಳಿಗೆ ರಾಜ್ಯ ಸರಕಾರ ಬಿಡುಗಡೆ ಮಾಡಿದೆ.

ಜೂ.11ರಿಂದ ಶಕ್ತಿ ಯೋಜನೆ ಜಾರಿಗೆ ಬಂದಿದ್ದು, ಜೂ.30ರ ವರೆಗೆ ಇದಕ್ಕಾಗಿ ಕೆಎಸ್‌ಆರ್‌ಟಿಸಿಗೆ 73.64 ಕೋ. ರೂ., ಬಿಎಂಟಿಸಿಗೆ 34.13 ಕೋ. ರೂ., ವಾಯವ್ಯ ಕರ್ನಾಟಕ ಸಾರಿಗೆ ನಿಗಮಕ್ಕೆ 50.88 ಕೋ. ರೂ ಹಾಗೂ ಕಲ್ಯಾಣ ಕರ್ನಾಟಕ ಸಾರಿಗೆ ನಿಗಮಕ್ಕೆ 37.33 ಕೋ. ರೂ. ಸಹಿತ ಒಟ್ಟು 195.99 ಕೋ. ರೂ. ಬಿಡುಗಡೆ ಮಾಡಿತ್ತು.

ಜುಲೈ ತಿಂಗಳಲ್ಲಿ ನಾಲ್ಕೂ ನಿಗಮದಿಂದ 456.58 ಕೋ.ರೂ. ಬಿಡುಗಡೆಗಾಗಿ ಪ್ರಸ್ತಾವನೆ ಬಂದಿತ್ತು ಎಂದು ಸರಕಾರ ತಿಳಿಸಿದೆ.