ಮುಂಬಯಿ ವಿಮಾನ ನಿಲ್ದಾಣ ರನ್‌ವೇ ದುರಸ್ತಿ: 255 ಹಾರಾಟ ಬಾಧಿತ

ಮುಂಬಯಿ : ಮುಂಬಯಿ ವಿಮಾನ ನಿಲ್ದಾಣದಲ್ಲಿ ಎರಡೂ ರನ್‌ ವೇಗಳನ್ನು ಆರು ತಾಸುಗಳ ಕಾಲ ನಿರ್ವಹಣಾ ಕಾರ್ಯಕ್ಕೆಂದು ಮುಚ್ಚಿದ ಪರಿಣಾಮವಾಗಿ ಸುಮಾರು 255 ವಿಮಾನ ಹಾರಾಟಗಳು ಬಾಧಿತವಾದವು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ದೇಶದ ಅತೀ ದಟ್ಟನೆಯ ಎರಡನೇ ವಿಮಾನ ನಿಲ್ದಾಣವಾಗಿರುವ ಮುಂಬಯಿ ವಿಮಾನ ನಿಲ್ದಾಣದ ಪ್ರೈಮರಿ ಮತ್ತು ಸೆಕೆಂಡರಿ ರನ್‌ ವೇಗಳನ್ನು ಬೆಳಗ್ಗೆ 11 ಗಂಟೆಯಿಂದ ಸಂಜೆ 5 ಗಂಟೆಯ ವರೆಗೆ ನಿರ್ವಹಣ ಕಾರ್ಯಗಳ ನಿಮಿತ್ತ ಮುಚ್ಚಲಾಗಿತ್ತು. 

ಸಂಜೆ 5 ಗಂಟೆಯ ಬಳಿಕ ವಿಮಾನ ಹಾರಾಟಗಳು ಮಾಮೂಲಿಯಂತೆ ನಡೆಯಲಾರಂಭಿಸಿದವು. ಮುಂಬಯಿಯ ಛತ್ರಪತಿ ಶಿವಾಜಿ ಇಂಟರ್‌ನ್ಯಾಶನಲ್‌ ಏರ್‌ ಪೋರ್ಟ್‌ ದಿನವಹಿ ಸರಾಸರಿ 1,000 ವಿಮಾನ ಹಾರಾಟಗಳನ್ನು ನಿರ್ವಹಿಸುತ್ತದೆ.