ಇಂಗ್ಲೆಂಡ್‌ ಪ್ರವಾಸಕ್ಕೆ 25 ಸದಸ್ಯರ ವಿಂಡೀಸ್‌ ಕ್ರಿಕೆಟ್‌ ತಂಡ?

ಕಿಂಗ್‌ಸ್ಟನ್‌ (ಜಮೈಕಾ): ಇಂಗ್ಲೆಂಡ್‌ ವಿರುದ್ಧ ಜುಲೈ ತಿಂಗಳಲ್ಲಿ ನಡೆಯುವ 3 ಪಂದ್ಯಗಳ ಟೆಸ್ಟ್‌ ಸರಣಿಗಾಗಿ ವೆಸ್ಟ್‌ ಇಂಡೀಸ್‌ ಬರೋಬ್ಬರಿ 25 ಕ್ರಿಕೆಟಿಗರ ತಂಡವನ್ನು ಕಳುಹಿಸುವ ಯೋಜನೆಯಲ್ಲಿದೆ. ಈ ಸರಣಿ ಪ್ರೇಕ್ಷಕರ ಗೈರಲ್ಲಿ, ಜೈವಿಕ ಸುರಕ್ಷಾ ಕ್ರೀಡಾಂಗಣದಲ್ಲಿ ನಡೆಯಲಿದೆ.

ಈ ಸರಣಿಗೆ ಸಂಬಂಧಿಸಿದಂತೆ ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಮಂಡಳಿಯ ಅಧ್ಯಕ್ಷ ಜಾನಿ ಗ್ರೇವ್ಸ್‌ ಇಸಿಬಿ ಜತೆ ಸತತ ಮಾತುಕತೆ ನಡೆಸುತ್ತಿದ್ದು, ಒಂದು ತಿಂಗಳು ವಿಳಂಬವಾಗಿ ಮುಖಾಮುಖೀ ಆರಂಭವಾಗುವ ಸಾಧ್ಯತೆ ಗೋಚರಿಸುತ್ತಿದೆ ಎಂದಿದ್ದಾರೆ.