ದ.ಕ.: 1950ಕ್ಕೆ 2,365 ಕರೆ

ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಚುನಾವಣೆಗೆ ಸಂಬಂಧಿಸಿದಂತೆ ಈವರೆಗೆ ಕಂಟ್ರೋಲ್‌ ರೂಂ 1950ರಲ್ಲಿ ಒಟ್ಟು 2,365 ಕರೆಗಳನ್ನು ಸ್ವೀಕರಿಸ ಲಾಗಿದೆ. ಜಿಲ್ಲೆಯಾದ್ಯಂತ ಚುನಾವಣೆ ಸಂಬಂಧ ಮಾಹಿತಿ, ಹೆಸರು, ವಾರ್ಡ್‌ ಮತ್ತು ಎಪಿಕ್‌ ಕಾರ್ಡ್‌ಗಳ ಬಗ್ಗೆ ವಿಚಾರಿಸಲು ಹಾಗೂ ಹೆಸರು ಸೇರಿಸಲು ಒಟ್ಟು 2,240 ಕರೆಗಳನ್ನು ಸ್ವೀಕರಿಸಿ ಮಾಹಿತಿ ನೀಡಲಾಗಿದೆ. ದೂರುಗಳಿಗೆ ಸಂಬಂಧಿಸಿ 125 ಕರೆ ಸ್ವೀಕರಿಸಲಾಗಿದೆ. ಸಿ ವಿಜಿಲ್‌ಗೆ ಸಂಬಂಧಿಸಿ 28 ದೂರುಗಳನ್ನು ಸ್ವೀಕರಿಸಲಾಗಿದ್ದು, ಪರಿಶೀಲಿಸಿ ಸೂಕ್ತ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಪ್ರಕಟನೆ ತಿಳಿಸಿದೆ.