ಆಮ್ಲಜನಕ ಪೂರೈಕೆಗಾಗಿ ವಿವೋ ದಿಂದ 2 ಕೋಟಿ ರೂ.ದೇಣಿಗೆ

ನವದೆಹಲಿ: ದೇಶವು ಪ್ರಸ್ತುತ ಎದುರಿಸುತ್ತಿರುವ ಕೋವಿಡ್ 19  ಆರೋಗ್ಯ ಬಿಕ್ಕಟ್ಟಿನ ಹಿನ್ನೆಲೆಯಲ್ಲಿ ಸ್ಮಾರ್ಟ್ ಫೋನ್ ಬ್ರಾಂಡ್ ವಿವೋ, ಕೋವಿಡ್ 19  ಪರಿಹಾರ ಕಾರ್ಯಗಳಿಗೆ ನೆರವಾಗಲು ಮತ್ತು ವೈದ್ಯಕೀಯ  ಆಮ್ಲಜನಕ  ಪೂರೈಕೆಗೆ ನೆರವಾಗಲು 2 ಕೋಟಿ ರೂ. ದೇಣಿಗೆಯನ್ನು ಘೋಷಿಸಿದೆ.

ಕೊರೋನವೈರಸ್ ವಿರುದ್ಧದ ಹೋರಾಟದಲ್ಲಿ,ಜವಾಬ್ದಾರಿಯುತ ಕಾರ್ಪೊರೇಟ್ ಆಗಿ, ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಡುವ ಸರ್ಕಾರದ ಪ್ರಯತ್ನಗಳನ್ನು ಬೆಂಬಲಿಸುವ ಬದ್ಧತೆಯಿಂದ ಈ ದೇಣಿಗೆ ನೀಡುತ್ತಿರುವುದಾಗಿ ವಿವೋ ಇಂಡಿಯಾದ ನಿರ್ದೇಶಕ ನಿಪುಣ್ ಮಾರ್ಯಾ ತಿಳಿಸಿದ್ದಾರೆ.

2020 ರಲ್ಲಿ ವಿವೋ 9 ಲಕ್ಷ ಮಾಸ್ಕ್ ಗಳು, 15,000 ಪಿಪಿಇ ಕಿಟ್ ಗಳು ಮತ್ತು 50,000 ಲೀಟರ್ ಸ್ಯಾನಿಟೈಜರ್ ಅನ್ನು ರಾಜ್ಯ ಮತ್ತು ಕೇಂದ್ರ ಸರ್ಕಾರಿ ಸಂಸ್ಥೆಗಳಿಗೆ ದೇಣಿಗೆ ನೀಡಿತ್ತು ಎಂದು ಅವರು ತಿಳಿಸಿದ್ದಾರೆ.