ರಾಮ್‌ ರಹೀಂ ಆಶ್ರಮ ಖಾಲಿ ಖಾಲಿ;18 ಬಾಲಕಿಯರ ರಕ್ಷಣೆ 

ಸಿರ್ಸಾ : 20 ವರ್ಷಗಳ ಸೆರೆವಾಸಕ್ಕೆ ಗುರಿಯಾಗಿರುವ  ಡೇರಾ ಸಚ್ಚಾ ಸೌಧದ ದೇವಮಾನವ “ಅತ್ಯಾಚಾರಿ’ ಬಾಬಾ ಗುರ್ಮೀತ್‌ ರಾಂ ರಹೀಂ ಸಿಂಗ್‌ನ  ಸಿರ್ಸಾ ಆಶ್ರಮದಲ್ಲಿದ್ದ 18 ಮಂದಿ ಅಪ್ರಾಪ್ತ ವಯಸ್ಕ ಬಾಲಕಿಯರನ್ನು ರಕ್ಷಿಸಲಾಗಿದೆ.

ಆಶ್ರಮದಲ್ಲಿದ್ದ ಎಲ್ಲಾ ಬಾಬಾ ಬೆಂಬಲಿಗರನ್ನು ಹೊರಹಾಕಲಾಗಿದ್ದು, ಈ ವೇಳೆ ಬಾಲಕಿಯರು ಪತ್ತೆಯಾಗಿದ್ದು ಅವರನ್ನು ಜಿಲ್ಲಾಡಳಿತ ಮತ್ತು  ಪೊಲೀಸರು ರಕ್ಷಿಸಿ ಆಸ್ಪತ್ರೆಗೆ ಕರೆದೊಯ್ದು ವೈದ್ಯಕೀಯ ಪರೀಕ್ಷೆ ನಡೆಸಿದ್ದಾರೆ.ರಕ್ಷಣೆಗೊಳಗಾದ ಎಲ್ಲಾ ಬಾಲಕಿಯರು 18 ವರ್ಷದ ಒಳಗಿನವರು ಎನ್ನಲಾಗಿದೆ. 

ಬಾಲಕಿಯರು ಯಾಕಾಗಿ ಆಶ್ರಮದಲ್ಲಿದ್ದರು ಎನ್ನುವುದು ಇನ್ನಷ್ಟೇ ತಿಳಿದು ಬರಬೇಕಾಗಿದೆ. ಅಶ್ರಮದ ಸುತ್ತ ಸೇನೆ ಸುತ್ತುವರಿದಿದ್ದು ಭಾರೀ ಭದ್ರತೆ ಕೈಗೊಳ್ಳಲಾಗಿದೆ. 

ಪೊಲೀಸರು ಮತ್ತು ಸೇನಾ ಪಡೆಗಳು ಯಾರೊಬ್ಬರನ್ನೂ ಆಶ್ರಮದತ್ತ ಬರಲು ಅವಕಾಶ ನೀಡುತ್ತಿಲ್ಲ.