Libya ಬಂಡುಕೋರರ ವಶದಲ್ಲಿದ್ದ 17 ಭಾರತೀಯರು ಸ್ವದೇಶಕ್ಕೆ

ನವದೆಹಲಿ: ವಿದೇಶಾಂಗ ಸಚಿವಾಲಯದ ಪ್ರಯತ್ನಗಳಿಂದಾಗಿ ಲಿಬಿಯಾದ ಬಂಡುಕೋರರ ವಶದಲ್ಲಿದ್ದ 17 ಮಂದಿ ಭಾರತೀಯರನ್ನು ರಕ್ಷಿಸಿ, ಭಾರತಕ್ಕೆ ಸುರಕ್ಷಿತವಾಗಿ ಕರೆತರಲಾಗಿದೆ ಎಂದು ಮೂಲಗಳು ತಿಳಿಸಿವೆ.

ಮಾನವ ಕಳ್ಳಸಾಗಣೆದಾರರ ಕಬಂಧಬಾಹುಗಳಲ್ಲಿ ಸಿಲುಕಿದ್ದ ಪಂಜಾಬ್‌ ಮತ್ತು ಹರ್ಯಾಣದ ನಿವಾಸಿಗಳು ಭಾನುವಾರ ನವದೆಹಲಿಗೆ ಆಗಮಿಸಿದ್ದಾರೆ.

17 ಮಂದಿ ಭಾರತೀಯರು ಲಿಬಿಯಾದ ಜ್ವಾರಾ ನಗರದಲ್ಲಿ ಶಸ್ತ್ರಾಸ್ತ್ರ ಗುಂಪಿನ ವಶದಲ್ಲಿ ಸಿಲುಕಿರುವ ಕುರಿತು ಅವರ ಕುಟುಂಬ ಸದಸ್ಯರು ಮೇ 26ರಂದು ಟ್ಯುನಿಶ್‌ನ ಭಾರತೀಯ ರಾಯಭಾರ ಕಚೇರಿಗೆ ಮಾಹಿತಿ ನೀಡಿದ್ದರು.

ಜೂ.13ರಂದು ಲಿಬಿಯಾ ಅಧಿಕಾರಿಗಳು ಇವರನ್ನು ರಕ್ಷಿಸಿದ್ದರು. ಆದರೆ ಅಧಿಕೃತ ಪಾಸ್‌ಪೋರ್ಟ್‌ ಇಲ್ಲದಿರುವ ಹಿನ್ನೆಲೆಯಲ್ಲಿ ಅವರನ್ನು ಅವರ ವಶದಲ್ಲಿಯೇ ಇರಿಸಿಕೊಳ್ಳಲಾಗಿತ್ತು.