ತಿರುವನಂತಪುರ: ಇನ್ನು ಮುಂದೆ ಕೇರಳದಲ್ಲಿ ನಾಲ್ಕು ಅಂಕೆಯ ಪ್ರತ್ಯೇಕ ಟೋಲ್‌ಫ್ರೀ ನಂಬರ್‌ ಮೂಲಕ ಸಾರ್ವಜನಿಕರು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರಿಗೆ ತಮ್ಮ ದೂರು, ಅಹವಾಲುಗಳನ್ನು ಸಲ್ಲಿಸಬಹುದಾಗಿದೆ.
ಜನವರಿ 1ರಿಂದ ದು ಜಾರಿಗೆ ಬರಲಿದ್ದು, ಸಾರ್ವಜನಿಕರು ತಮ್ಮ ಮೊಬೈಲ್‌ ಅಥವಾ ಸ್ಥಿರ ದೂರವಾಣಿಯಿಂದ 1076 ನಂಬರಿಗೆ ಕರೆ ಮಾಡಿ ಅಹವಾಲು ಸಲ್ಲಿಸಬಹುದು.
ಪ್ರಸ್ತುತ 11 ಅಂಕೆಯ ಸಂಖ್ಯೆಯಿದ್ದು, ಅದರಿಂದ ಸಮಸ್ಯೆಯಾಗುತ್ತಿರುವ ಹಿನ್ನೆಲೆಯಲ್ಲಿ ನಾಲ್ಕು ಅಂಕೆಯ ಸಂಖ್ಯೆ ಯನ್ನು ರೂಪಿಸಲಾಗಿದೆ. ಕೇರಳದೊಳಗೆ ಇರುವವರು ನೇರವಾಗಿ ಕರೆ ಮಾಡಬಹುದು.
ಕೇರಳದಿಂದ ಹೊರಗಿರುವವರು 0471 ಹಾಗೂ ವಿದೇಶದಿಂದ ಕರೆ ಮಾಡುವವರು 91 ಕೋಡ್‌ ನಂಬರ್‌ ಸೇರಿಸಿ ಕರೆ ಮಾಡಬೇಕಾಗಿದೆ.
ಇದನ್ನೂ ಓದಿ:ಕೆರೆ ನೀರು ತುಂಬಿಸುವ ಯೋಜನೆ ಶೀಘ್ರ ಜಾರಿ: ರೇಣುಕಾಚಾರ್ಯ
ವಾರದ ಕರ್ತವ್ಯದ ದಿನಗಳಲ್ಲಿ ಈ ಸಂಖ್ಯೆಯು ಬೆಳಗ್ಗೆ 10.15ರಿಂದ ಸಂಜೆ 5.15ರ ವರೆಗೆ ಕಾರ್ಯನಿರ್ವಹಿಸಲಿದೆ.
ಎರಡನೇ ಶನಿವಾರ ಹಾಗೂ ಪ್ರಾದೇಶಿಕ ರಜಾ ದಿನಗಳಲ್ಲೂ ಕರೆ ಮಾಡಬಹುದು.
