ಟೆಸ್ಟ್‌ ವಿಶ್ವಕಪ್‌ ಫೈನಲ್‌ “ಬೆಸ್ಟ್‌ ಆಫ್ ತ್ರೀ’ಮಾದರಿಯಲ್ಲಿರಬೇಕಿತ್ತು : ಯುವಿ

ಹೊಸದಿಲ್ಲಿ: ಟೆಸ್ಟ್‌ ವಿಶ್ವಕಪ್‌ ಫೈನಲ್‌ “ಬೆಸ್ಟ್‌ ಆಫ್ ತ್ರೀ’ ಮಾದರಿಯಲ್ಲಿರಬೇಕಿತ್ತು ಎಂದು ಮಾಜಿ ಆಟಗಾರ ಯುವರಾಜ್‌ ಸಿಂಗ್‌ ಅಭಿಪ್ರಾಯ ಪಟ್ಟಿದ್ದಾರೆ. ಈಗಿನ “ಸಿಂಗಲ್‌ ಮ್ಯಾಚ್‌’ ಮಾದರಿ ಭಾರತಕ್ಕೆ ತುಸು ಹಿನ್ನಡೆಯಾಗಿ ಪರಿಣಮಿಸುವ ಸಾಧ್ಯತೆ ಇದೆ ಎಂಬುದಾಗಿ ಅವರು ಹೇಳಿದರು.

“ಬೆಸ್ಟ್‌ ಆಫ್ ತ್ರೀ ಟೆಸ್ಟ್‌ ಪಂದ್ಯಗಳಿದ್ದರೆ ಹೆಚ್ಚು ಅನುಕೂಲವಾಗುತ್ತಿತ್ತು. ಆಗ ಮೊದಲ ಟೆಸ್ಟ್‌ ಸೋತರೆ ಉಳಿದೆರಡರಲ್ಲಿ ಸರಣಿಗೆ ಮರಳಲು ಅವಕಾಶವಿರುತ್ತಿತ್ತು. ಈಗಿನ ಮಾದರಿ ಭಾರತಕ್ಕೆ ಅನುಕೂಲಕರವಲ್ಲ. ಭಾರತ ತಂಡಕ್ಕೆ 8-10 ಅಭ್ಯಾಸ ಅವಧಿ ಇರಬಹುದು, ಆದರೆ ಅಭ್ಯಾಸ ಪಂದ್ಯವಿಲ್ಲ.

ಹೀಗಾಗಿ ಇಂಗ್ಲೆಂಡ್‌ ವಿರುದ್ಧ ಟೆಸ್ಟ್‌ ಸರಣಿ ಆಡಿ ಬರುವುದರಿಂದ ನ್ಯೂಜಿಲ್ಯಾಂಡಿಗೆ ಲಾಭ ಹೆಚ್ಚು’ ಎಂದು “ನ್ಪೋರ್ಟ್ಸ್ ಟಾಕ್‌’ ಕಾರ್ಯಕ್ರಮದಲ್ಲಿ ಯುವರಾಜ್‌ ಸಿಂಗ್‌ ಅಭಿಪ್ರಾಯಪಟ್ಟರು.