ತೆಲಂಗಾಣ: ತೆಲಂಗಾಣದ ಸಿರ್ಸಿಲ್ಲಾದ ಯೂಟ್ಯೂಬರ್ ಒಬ್ಬರು ‘ನವಿಲು ಕರಿ’ (Peacock Curry) ತಯಾರಿಸಿ ಸೇವಿಸುವ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ನಂತರ ಭಾನುವಾರ (ಆ.11) ಬಂಧಿಸಲಾಗಿದೆ.
ಕೋದಂ ಪ್ರಣಯ್ ಕುಮಾರ್ (Kodam Pranay Kumar) ಎಂಬ ಯೂಟ್ಯೂಬರ್ ನನ್ನು ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧಿಸಲಾಗಿದೆ. ಅಕ್ರಮ ವನ್ಯಜೀವಿ ಸೇವನೆ ಉತ್ತೇಜನಕ್ಕೆ ಸಂಬಂಧಿಸಿ ಪ್ರಕರಣ ದಾಖಲಿಸಲಾಗಿದೆ.
ರಾಷ್ಟ್ರೀಯ ಪಕ್ಷಿ ನವಿಲಿನ ಪದಾರ್ಥ ಮಾಡಿ ತಿಂದ ಪ್ರಣಯ್ ಅವರ ವಿಡಿಯೋಗೆ ಭಾರೀ ವಿರೋಧ ವ್ಯಕ್ತವಾದ ಹಿನ್ನೆಲೆಯಲ್ಲಿ ವಿಡಿಯೋವನ್ನು ಯೂಟ್ಯೂಬ್‌ ನಿಂದ ಅಳಿಸಲಾಗಿದೆ.
ಅರಣ್ಯ ಇಲಾಖೆಯು ಪ್ರಣಯ್ ನನ್ನು ಬಂಧಿಸಿ ಆತ ನವಿಲು ಕರಿ ಅಡುಗೆ ಮಾಡಿ ವಿಡಿಯೋ ಚಿತ್ರೀಕರಿಸಿದ ಜಾಗವನ್ನು ಪರಿಶೀಲನೆ ನಡೆಸಿದೆ. ಪ್ರಣಯ್ ಇದೀಗ ವನ್ಯಜೀವಿ ಸಂರಕ್ಷಣಾ ಕಾಯ್ದೆಯಡಿ ಆರೋಪ ಎದುರಿಸುತ್ತಿದ್ದಾರೆ.
ಸಂರಕ್ಷಿತ ಪ್ರಭೇದ ಹತ್ಯೆಯನ್ನು ವೀಡಿಯೊ ಪ್ರಚಾರ ಮಾಡಿದೆ ಮತ್ತು ಒಳಗೊಂಡಿದೆ ಎಂದು ಅಧಿಕಾರಿಗಳು ಆರೋಪಿಸಿದ್ದಾರೆ.
ಅರಣ್ಯ ಅಧಿಕಾರಿಗಳು ವೀಡಿಯೊದ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ. ವಿಧಿವಿಜ್ಞಾನ ವಿಶ್ಲೇಷಣೆಗಾಗಿ ಮಾದರಿಗಳನ್ನು ಸಂಗ್ರಹಿಸಿದರು.
ಯೂಟ್ಯೂಬರ್ ಪ್ರಣಯ್ ಅವರ ರಕ್ತ ಮಾದರಿ ಮತ್ತು ನವಿಲು ಕರಿಯನ್ನು ಪರೀಕ್ಷೆಗಾಗಿ ಕಳುಹಿಸಲಾಗಿದೆ. ಆತ ನವಿಲು ಮಾಂಸ ತಿಂದಿರುವುದು ಸಾಬೀತಾದರೆ ಆತನ ವಿರುದ್ದ ಕ್ರಮ ಕೈಗೊಳ್ಳುವುದಾಗಿ ಪೊಲೀಸರು ತಿಳಿಸಿದ್ದಾರೆ.
