ಲೂಸ್ ಮಾದ ಯೋಗಿಯೊಂದಿಗೆ ಮತ್ತೊಮ್ಮೆ ನಟಿಸ್ತಾರಾ ಪುನೀತ್ ?

ಲೂಸ್ ಮಾದ ಯೋಗಿಯ  ಲಂಬೋದರ ಚಿತ್ರದ ” ಲಂಬೋದರ ಲೂಸ್ ಆದ ” ಹಾಡಿನ  ಬಿಡುಗಡೆ ಇತ್ತೀಚಿಗೆ ನಡೆಯಿತು. ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಹಾಡು ಬಿಡುಗಡೆ ಮಾಡಿ ಯೋಗಿ ಮತ್ತು ಚಿತ್ರ ತಂಡಕ್ಕೆ ಶುಭ ಹಾರೈಸಿದರು. ಯೋಗಿ ನನ್ನ ಕುಟುಂಬ ಇದ್ದಂತೆ. ಅವನ ಜೊತೆ ಈಗಾಗಲೇ ಎರಡು ಚಿತ್ರ ಮಾಡಿದ್ದೇನೆ. ನಾವಿಬ್ಬರು ಒಟ್ಟಿಗೆ ನಟಿಸುವ ಅವಕಾಶ ಸಿಕ್ಕಿದರೆ ಖಂಡಿತ ನಟಿಸುತ್ತೇನೆ ಎಂದರು.  

ಲಂಬೋದರ ಚಿತ್ರದಲ್ಲಿ ಯೋಗಿಯ ಜೊತೆ ನಾಯಕಿಯಾಗಿ ಆಕಾಂಕ್ಷ ಗಾಂಧಿ ತೆರೆ ಹಂಚಿದ್ದಾರೆ . ಅಚ್ಚುತ್ ಕುಮಾರ್, ಧರ್ಮಣ್ಣ ಕಡೂರ್ ತಾರಾಬಲ ಈ ಚಿತ್ರಕ್ಕಿದೆ. 

ಲಂಬೋದರ ಚಿತ್ರಕ್ಕೆ ಕೆ.ಕೃಷ್ಣರಾಜ್ ಆಕ್ಷನ್ ಕಟ್ ಹೇಳಿದ್ದು, ರಾಘವೇಂದ್ರ ಭಟ್ ನಿರ್ಮಿಸಿದ್ದಾರೆ.  ಕಾರ್ತಿಕ್ ಶರ್ಮ ಮತ್ತು ಮಿಧುನ್ ಮುಕುಂದನ್ ಸಂಗೀತ ನೀಡಿದ್ದಾರೆ.