ಒಂದೇ ದಿನದಲ್ಲಿ 10 ವಿಕೆಟ್‌: ಕುಂಬ್ಳೆ ದಾಖಲೆ ಸರಿಗಟ್ಟಿದ ಯಾಸಿರ್‌

ದುಬೈ: ಪಾಕಿಸ್ತಾನ ಲೆಗ್‌ ಸ್ಪಿನ್ನರ್‌ ಯಾಸಿರ್‌ ಶಾ, 20 ವರ್ಷಗಳ ಹಿಂದಿನ ಅನಿಲ್‌ ಕುಂಬ್ಳೆ ದಾಖಲೆಯೊಂದನ್ನು ಸರಿಗಟ್ಟಿದ್ದಾರೆ. 

1999ರಲ್ಲಿ ಪಾಕಿಸ್ತಾನದ ವಿರುದ್ಧ ನವದೆಹಲಿಯಲ್ಲಿ ನಡೆದಿದ್ದ ಟೆಸ್ಟ್‌ನಲ್ಲಿ, ಕುಂಬ್ಳೆ ಒಂದೇ ದಿನದಲ್ಲಿ ಪಾಕಿಸ್ತಾನದ ಎಲ್ಲ 10 ವಿಕೆಟ್‌ಗಳನ್ನು ಉರುಳಿಸಿದ್ದರು. ದುಬೈನಲ್ಲಿ ನ್ಯೂಜಿಲೆಂಡ್‌ ವಿರುದ್ಧ ನಡೆಯುತ್ತಿರುವ 2ನೇ ಟೆಸ್ಟ್‌ ಪಂದ್ಯದಲ್ಲಿ ಯಾಸಿರ್‌ ಶಾ ಅದನ್ನು ಸರಿಗಟ್ಟಿದ್ದಾರೆ. ಪಾಕಿಸ್ತಾನ ಮೊದಲ ಇನಿಂಗ್ಸ್‌ನಲ್ಲಿ 415 ರನ್‌ಗೆ 5 ವಿಕೆಟ್‌ ಕಳೆದುಕೊಂಡಿತ್ತು. ಇದನ್ನು ಬೆನ್ನತ್ತಿದ ನ್ಯೂಜಿಲೆಂಡ್‌ 90 ರನ್‌ಗೆ ಆಲೌಟಾಯಿತು. ಈ ಇನಿಂಗ್ಸ್‌ನಲ್ಲಿ ಯಾಸಿರ್‌ 8 ವಿಕೆಟ್‌ ಕಿತ್ತಿದ್ದರು. ಫಾಲೋ ಆನ್‌ಗೊಳಗಾಗಿ ಮತ್ತೆ 2ನೇ ಇನಿಂಗ್ಸ್‌ ಆರಂಭಿಸಿದ ಕಿವೀಸ್‌ 2 ವಿಕೆಟ್‌ ಕಳೆದುಕೊಂಡಿತು. ಅವೆರಡನ್ನೂ ಯಾಸಿರ್‌ ಕಿತ್ತಿದ್ದಾರೆ. ಹೀಗೆ ಅವರು ಒಂದೇ ದಿನದಲ್ಲಿ 10 ವಿಕೆಟ್‌ ದಾಖಲೆ ಮಾಡಿದ್ದಾರೆ.