ವುಹಾನ್‌ ಲ್ಯಾಬ್‌ ಎಂಬ ವೈರಸ್‌ ತಾಣ

ಚೀನಾದ ವುಹಾನ್‌ನಲ್ಲಿ ಶುರವಾದ ಕೋವಿಡ್ ವೈರಸ್‌ ಈಗ ಜಗತ್ತಿನಲ್ಲಿ ಹರಡಿದೆ. ವುಹಾನ್‌ನ ಪ್ರಯೋಗ ಶಾಲೆಯಲ್ಲಿಯೇ ಅದನ್ನು ಸೃಷ್ಟಿಸಲಾಗಿದೆ ಎಂಬ ವಾದಗಳು ಈಗ ಜೋರಾಗಿಯೇ ಕೇಳಿ ಬರುತ್ತಿದೆ. ಅಲ್ಲಿನ ಮಾರುಕಟ್ಟೆಯೇ ವೈರಸ್‌ ಕೇಂದ್ರ ಸ್ಥಾನ ಎಂಬ ವಾದ ಒಂದೆಡೆಯಾದರೆ, ಅಲ್ಲಿರುವ ಪ್ರಯೋಗಾಲಯದಿಂದ ವೈರಸ್‌ ಸೋರಿಕೆಯಾಗಿರಬಹುದೇ ಎಂಬ ಮತ್ತೂಂದು ವಾದವೂ ಇದೆ. ಅಲ್ಲಿನ ಲ್ಯಾಬ್‌ ಬಗ್ಗೆ ಮಾಹಿತಿ ಇಲ್ಲಿದೆ.

2015 ಲ್ಯಾಬ್‌ ನಿರ್ಮಾಣ
2018 ಕಾರ್ಯ ಆರಂಭ

42 ದಶ ಲಕ್ಷ ಡಾಲರ್‌ ನಿರ್ಮಾಣ ವೆಚ್ಚ
32,000 ಚದರ ಅಡಿ. ಪಿ4 ಲ್ಯಾಬ್‌ ನ ವಿಸ್ತೀರ್ಣ

ಇದು ಎಲ್ಲಿದೆ?
ಚೀನಾದ ವುಹಾನ್‌ ನಗರದ ಹೊರವಲಯದಲ್ಲಿ ದಟ್ಟಾರಣ್ಯವನ್ನು ಒಳಗೊಂಡ ಪರ್ವತ ಪ್ರದೇಶದಲ್ಲಿ

ಅತ್ಯಧಿಕ ಸುರಕ್ಷತೆ
ಅಧ್ಯಯನಕ್ಕೆಂದೇ ವೈರಸ್‌ಗಳ ಸಂಗ್ರಹ. ಹಿಂದೆ ಪತ್ತೆಯಾಗಿರುವ ಕೊರೊನಾ ವೈರಸ್‌ಗಳ ಮಾದರಿಗಳು ಇಲ್ಲಿವೆ.
ಲ್ಯಾಬ್‌ನಿಂದ ಹೊರ ಹೋಗುವ ಗಾಳಿ, ನೀರನ್ನು ಸಂಸ್ಕರಣೆ ಮಾಡಿ ಹೊರ ಬಿಡಲಾಗುತ್ತದೆ.
ಲ್ಯಾಬ್‌ನಲ್ಲಿ ಸಂಶೋಧಕರು ತಮ್ಮ ಉಡುಪುಗಳನ್ನು ಬದಲಿಸಬೇಕು ಮತ್ತು ಸ್ನಾನ ಮಾಡಬೇಕು.

ವಿಜ್ಞಾನಿಗಳ ಅಭಿಪ್ರಾಯ ಏನಿದೆ?
1. ಅಪಾಯದಂಚಿನಲ್ಲಿರುವ ಪಂಗೋಲಿನ್‌ ಎಂಬ ಪ್ರಾಣಿಯನ್ನು ಔಷಧ ತಯಾರಿಕೆಗಾಗಿ ಚೀನದಲ್ಲಿ ಕಳ್ಳಸಾಗಣೆ ಮಾಡಲಾಗುತ್ತದೆ. ಅದರ ಮೂಲಕ ವೈರಸ್‌ ಮಾನವನ ದೇಹ ಸೇರಿರಬಹುದು.

2. ಲ್ಯಾಬ್‌ನಲ್ಲಿಯೇ ವೈರಸ್‌ ಸೋರಿಕೆಯಾಗಿದೆ  ಎಂಬ ವಾದಕ್ಕೆ ಹೇಗೆ ಸಾಕ್ಷ್ಯ ಸಿಗುತ್ತಿಲ್ಲವೋ,  ವುಹಾನ್‌ ಮಾರುಕಟ್ಟೆಯೇ ವೈರಸ್‌ ನ ಮೂಲ ಎಂಬುದು ಕೂಡ ಸಾಬೀತಾಗಿಲ್ಲ ಎನ್ನುತ್ತಾರೆ ಲಂಡನ್‌ ಸಂಶೋಧಕರು.

ಅಮೆರಿಕದ ಆರೋಪವೇನು?
– ಪ್ರಯೋಗಾಲಯದಿಂದಲೇ ಆಕಸ್ಮಿಕವಾಗಿ ಸೋರಿಕೆಯಾಗಿರಬಹುದು.
– ಚೀನಾ ಸರಕಾರವು ಇತರ ದೇಶಗಳ ವಿಜ್ಞಾನಿಗಳಿಗೆ ಅವಕಾಶ ಏಕೆ ನೀಡುತ್ತಿಲ್ಲ?
– ವೈರಸ್‌ಗಳನ್ನು ನಿಭಾಯಿಸುವ ಸುರಕ್ಷತಾ ಮಾನದಂಡಗಳು ಸಾಕಷ್ಟಿಲ್ಲ.
– ವೈರಸ್‌ನ ಕಣ ಹೇಗೋ ವುಹಾನ್‌ಗೆ ಸೇರಿ ಅಲ್ಲಿನ ಜನಕ್ಕೆ ವರ್ಗಾವಣೆಯಾಗಿರಬಹುದು

ಲ್ಯಾಬ್‌ ನಿರ್ದೇಶಕರ ವಾದ?
* ವೈರಸ್‌ ಮಾದರಿ ನಮ್ಮ ಕೈಸೇರಿದ್ದು ಡಿ.30ಕ್ಕೆ. ಜ.11ರಂದೇ ಡಬ್ಲ್ಯೂಎಚ್‌ಒಗೆ ಮಾಹಿತಿ ನೀಡಿದ್ದೇವೆ.
* ಪಿ4 ಲ್ಯಾಬ್‌ ನ ಮೂಲಕ ವೈರಸ್‌ ಸೋರಿಕೆಯಾಗಿದ್ದಕ್ಕೆ ಪುರಾವೆ ಇಲ್ಲವೆಂದು ಡಬ್ಲ್ಯೂಎಚ್‌ಒ ಹೇಳಿದೆ.
* ಕೆಲವು ದೇಶಗಳು ನಮ್ಮ ಮೇಲೆ ಆರೋಪ ಹೊರಿಸುತ್ತಿದೆ. ಇದೊಂದು ಸಂಚು.