ಕೊರೊನಾ ವೈರಸ್‌ಆತಂಕ: ಚೀನಾ ಕುಸ್ತಿಪಟುಗಳಿಗೆ ಭಾರತ ಪ್ರವೇಶ ಅವಕಾಶ

ನವದೆಹಲಿ: ಚೀನಾದಲ್ಲಿ ಅಪಾಯಕಾರಿ ಕೊರೊನಾ ವೈರಸ್‌ ನಿಂದ ತೊಂದರೆ ಅನುಭವಿಸುತ್ತಿದ್ದರೂ ಚೀನಾದ ಕುಸ್ತಿಪಟುಗಳು ಏಷ್ಯನ್‌ ಕುಸ್ತಿ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳಲು ಭಾರತ ಪ್ರವೇಶಿಸಬಹುದು ಎಂದು ಕೇಂದ್ರ ಸರಕಾರ ಭರವಸೆ ನೀಡಿದೆ ಎಂದು ಭಾರತೀಯ ಕುಸ್ತಿ ಫೆಡರೇಶನ್‌ ತಿಳಿಸಿದೆ.

ಕೊರೊನಾ ವೈರಸ್‌ ತೀವ್ರಗತಿಯಲ್ಲಿ ಹರಡುತ್ತಿರುವ ಹಿನ್ನೆಲೆಯಲ್ಲಿ ಭಾರತ ಸರಕಾರವು ಚೀನಾದ ಪ್ರವಾಸಿಗರಿಗೆ ಇ-ವೀಸಾ ಸೌಕರ್ಯವನ್ನು ಅಮಾನತುಗೊಳಿಸಿದೆ. ಆದರೆ ಚೀನಾದ ಕುಸ್ತಿಪಟುಗಳಿಗೆ ಭಾರತ ಪ್ರವೇಶಿಸಲು ಅವಕಾಶ ನೀಡಲಾಗುವುದು ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಭರವಸೆ ನೀಡಿದೆ ಎಂದು ಕುಸ್ತಿ ಒಕ್ಕೂಟ ಹೇಳಿದೆ.