Advertisement
ಟಾಸ್‌ ಗೆದ್ದು ಬ್ಯಾಟಿಂಗ್‌ ಆರಂಭಿಸಿದ್ದ ಗುಜರಾತ್‌ ಜೈಂಟ್ಸ್‌ ತಂಡ ಹಾರ್ಲೀನ್‌ ಡಿಯೋಲ್‌ ಅವರ 46 ರನ್‌ಗಳ ನೆರವಿನಿಂದ 20 ಓವರ್‌ಗಳಲ್ಲಿ 6 ವಿಕೆಟ್‌ ನಷ್ಟಕ್ಕೆ 169 ರನ್‌ಗಳಿಸಿತು. ಈ ಮೊತ್ತ ಬೆನ್ನತ್ತಿದ ಯುಪಿ ವಾರಿಯರ್ಸ್‌ ತಂಡ ಇನ್ನೂ ಒಂದು ಎಸೆತ ಬಾಕಿ ಇರುವಂತೆಯೇ 7 ವಿಕೆಟ್‌ ನಷ್ಟಕ್ಕೆ 175 ರನ್‌ ಗಳಿಸಿ ಗೆಲುವಿನ ನಗೆ ಬೀರಿತು.ತಂಡದ ಸೋಲಿನಲ್ಲೂ ಅತ್ಯದ್ಭುತ ಪ್ರದರ್ಶನ ನೀಡಿದವರು ಗುಜರಾತ್‌ ತಂಡದ ಬೌಲರ್‌ ಕಿಮ್‌ಗ್ರಾತ್‌. ಇವರು 36 ರನ್‌ಗೆ 5 ವಿಕೆಟ್‌ ಪಡೆದು ಯುಪಿ ವಾರಿಯರ್ಸ್‌ಗೆ ಆತಂಕ ಹುಟ್ಟಿಸಿದ್ದರು. ಅಲ್ಲದೆ, ಯುಪಿ ಪರ ನಾವ್‌ಗಿರೆ ಮತ್ತು ಹ್ಯಾರೀಸ್‌ ಅವರಿಬ್ಬರೇ ಉತ್ತಮವಾಗಿ ಆಡಿದ್ದು. ಅದರಲ್ಲೂ ಹ್ಯಾರೀಸ್‌ ಅವರು ಕೇವಲ 26 ಎಸೆತಗಳಲ್ಲಿ 59 ರನ್‌ ಬಾರಿಸಿ ಗೆಲುವಿಗೆ ನೆರವಾದರು.