ನಾನಿನ್ನು ಕಾಂಗ್ರೆಸ್‌ ಬಳಿ ಸೀಟಿಗಾಗಿ ಬೇಡುವುದಿಲ್ಲ: ಮಾಯಾವತಿ ಕೆಂಡ

ಲಕ್ನೋ : ಫ‌ಲಿಸದ ಚುನಾವಣಾ ಮೈತ್ರಿಗಾಗಿ ಕಾಂಗ್ರೆಸ್‌ ವಿರುದ್ಧದ ತನ್ನ ವಾಕ್‌ ದಾಳಿಯನ್ನು ಮುಂದುವರಿಸಿರುವ ಬಿಎಸ್‌ಪಿ ಮುಖ್ಯಸ್ಥೆ  ಮಾಯಾವತಿ ಅವರು “ನಾನಿನ್ನು ಕಾಂಗ್ರೆಸ್‌ ಬಳಿ ಸೀಟಿಗಾಗಿ ಬೇಡುವುದಿಲ್ಲ’ ಎಂದು ಖಡಾಖಂಡಿತವಾಗಿ ಹೇಳಿದ್ದಾರೆ. 

“ನಾವು ಬಿಎಸ್‌ಪಿ ಗಾಗಿ ಗೌರವಾರ್ಹ ಸಂಖ್ಯೆಯ ಸೀಟುಗಳನ್ನು ಕೇಳಿದ್ದೆವು; ಆದರೆ ಅವರಿಂದ ಈ ತನಕವೂ ಸೀಟು ಹಂಚಿಕೆ ಬಗ್ಗೆ  ಸರಿಯಾದ ಉತ್ತರವಿಲ್ಲ; ನಾವು ಚುನಾವಣೆಗಳನ್ನು ನಮ್ಮದೇ ಬಲದಲ್ಲಿ ಹೋರಾಡುವೆವು’ ಎಂದು ಹೇಳಿದರು. 

ಬಿಜೆಪಿ ಮತ್ತು ಕಾಂಗ್ರೆಸ್‌ ಎರಡೂ ಪಕ್ಷಗಳು ಬಿಎಸ್‌ಪಿ ಯನ್ನು ದುರ್ಬಲಗೊಳಿಸಲು ಯಾವತ್ತೂ ಯತ್ನಿಸುತ್ತವೆ ಎಂದು ಮಾಯಾ ಟೀಕಿಸಿದರು. 

ಛತ್ತೀಸ್‌ಗಢ ಚುನಾವಣೆಯಲ್ಲಿ ಅಜಿತ್‌ ಜೋಗಿ ಅವರ ಜೆಸಿಸಿ ಜತೆಗೆ ಮೈತ್ರಿ ಮಾಡಿಕೊಂಡಿರುವ ಮಾಯಾವತಿ, ರಾಜಸ್ಥಾನ ಮತ್ತು ಮಧ್ಯ ಪ್ರದೇಶ ವಿಧಾನಸಭಾ ಚುನಾವಣೆಗಳಲ್ಲಿ ನಾವು ಏಕಾಂಗಿಯಾಗಿ ಹೋರಾಡುವೆವು’ ಎಂದು ಕಾಂಗ್ರೆಸ್‌ ಗೆ ಮತ್ತೆ ಎದಿರೇಟು ನೀಡಿದರು.