Advertisement
ಮುಂಬೈ ಇಂಡಿಯನ್ಸ್‌ಗೆ 29 ರನ್ನುಗಳ ಸೋಲು ಣಿಸಿ ಅಗ್ರಸ್ಥಾನವನ್ನು ಗಟ್ಟಿಗೊಳಿಸಿದೆ.ಡೆಲ್ಲಿ 4 ವಿಕೆಟಿಗೆ 192 ರನ್ ರಾಶಿ ಹಾಕಿದರೆ, ಮುಂಬೈ 8 ವಿಕೆಟಿಗೆ 163 ರನ್ ಗಳಿಸಿತು. ಇದು 5 ಪಂದ್ಯಗಳಲ್ಲಿ ಡೆಲ್ಲಿ ಸಾಧಿಸಿದ 4ನೇ ಜಯ. ಮುಂಬೈ ಇಷ್ಟೇ ಪಂದ್ಯಗಳಲ್ಲಿ 2ನೇ ಸೋಲನುಭವಿಸಿತು.
ಡೆಲ್ಲಿ ಆರಂಭ ಸ್ಫೋಟಕವಾಗಿತ್ತು. ನಾಯಕಿ ಮೆಗ್‌ ಲ್ಯಾನಿಂಗ್‌ ಮತ್ತು ಜೆಮಿಮಾ ರೋಡ್ರಿಗಸ್‌ ಅರ್ಧ ಶತಕದೊಂದಿಗೆ ಮಿಂಚಿದರು. ಇವರಲ್ಲಿ ಜೆಮಿಮಾ ಜಬರ್ದಸ್ತ್ ಬ್ಯಾಟಿಂಗ್ ಪ್ರದರ್ಶನ ನೀಡಿ ಕೇವಲ 33 ಎಸೆತಗಳಿಂದ ಅಜೇಯ 69 ರನ್ ಬಾರಿಸಿದರು. ಸಿಡಿಸಿದ್ದು 8 ಫೋರ್‌, 3 ಸಿಕ್ಸರ್‌. ಸ್ಟ್ರೈಕ್‌ರೇಟ್‌ 209.09. ಓಪನರ್‌ ಲ್ಯಾನಿಂಗ್‌ 38 ಎಸೆತ ಎದುರಿಸಿ 53 ರನ್ ಮಾಡಿದರು (6 ಬೌಂಡರಿ, 2 ಸಿಕ್ಸರ್‌). ಶಫಾಲಿ ವರ್ಮ ಕೂಡ ಮುನ್ನುಗ್ಗಿ ಬೀಸತೊಡಗಿದರು. 12 ಎಸೆತಗಳಿಂದ 28 ರನ್ ಬಂತು (3 ಬೌಂಡರಿ, 2 ಸಿಕ್ಸರ್‌). ಚೇಸಿಂಗ್‌ ವೇಳೆ ಮುಂಬೈ ಪವರ್‌ ಪ್ಲೇ ಒಳಗಾಗಿ 4 ವಿಕೆಟ್‌ ಕಳೆದುಕೊಂಡು ಸಂಕಟಕ್ಕೆ ಸಿಲುಕಿತು. ಅಮನ್‌ಜೋತ್‌ ಕೌರ್‌ ಸರ್ವಾಧಿಕ 42, ಹ್ಯಾಲಿ ಮ್ಯಾಥ್ಯೂಸ್‌ 29, ಎಸ್‌. ಸಾಜನಾ ಅಜೇಯ 24 ರನ್ ಮಾಡಿದರು. ಜೆಸ್‌ ಜೊನಾಸೆನ್‌ 3, ಮರಿಜಾನ್‌ ಕಾಪ್‌ 2 ವಿಕೆಟ್‌ ಉರುಳಿಸಿದರು.
Related Articles
Advertisement