11 ಭಾಷೆಗಳಲ್ಲಿ ಮಹಿಳಾ ದಿನಾಚರಣೆ ಶುಭ ಕೋರಿದ ಗೂಗಲ್

ಹೊಸದೆಹಲಿ: ಮಾರ್ಚ್ ಎಂಟು ವಿಶ್ವ ಮಹಿಳಾ ದಿನಾಚರಣೆ. ಜಗತ್ತಿನಾಧ್ಯಂತ ಈ ದಿನವನ್ನು ಹಲವು ರೀತಿಯಲ್ಲಿ ಆಚರಿಸಲಾಗುತ್ತದೆ. ಆದರೆ ಗೂಗಲ್ ವಿಶ್ವ ಮಹಿಳಾ ದಿನವನ್ನು ತನ್ನ ಸ್ಪೆಷಲ್ ಡೂಡಲ್ ನ ಮೂಲಕ ವಿಶಿಷ್ಟವಾಗಿ ಆಚರಿಸಿದೆ. 

‘ಮಹಿಳೆ’ ಎಂಬ ಶಬ್ಧವನ್ನು ವಿಶ್ವದ ಒಟ್ಟು ಹನ್ನೊಂದು ಭಾಷೆಗಳಲ್ಲಿ ಬರೆದು ಮಹಿಳಾ ದಿನಾಚರಣೆಯ ಶುಭ ಕೋರಿದೆ. ಹಿಂದಿ, ಅರೇಬಿಕ್, ಬಾಂಗ್ಲಾ, ರಶ್ಯನ್, ಜಪಾನೀಸ್, ಫ್ರೆಂಚ್, ಸ್ಪ್ಯಾನಿಷ್ , ಪೋರ್ಚುಗೀಸ್, ಜರ್ಮನ್, ಇಟಾಲಿಯನ್ ಮತ್ತು ಇಂಗ್ಲಿಷ್  ಭಾಷೆಗಳಲ್ಲಿ ಬರೆದು ಮಹಿಳಾ ದಿನಕ್ಕೆ ತನ್ನ ವಿಶೇಷ ಡೂಡಲ್ ಸಮರ್ಪಿಸಿದೆ. ಇದರೊಂದಿಗೆ ಸ್ತ್ರೀಯರ ಬಗ್ಗೆ ಹಲವು ಖ್ಯಾತನಾಮರ ಹೇಳಿಕೆಗಳನ್ನು ಕೂಡಾ ಕೊಡಲಾಗಿದೆ.