Google;ಗೂಗಲ್‌ ಮ್ಯಾಪ್‌ ಜತೆ ಮಾತಾಡುತ್ತಾ ಡ್ರೈವ್‌ ಮಾಡಬಹುದು

ನ್ಯೂಯಾರ್ಕ್‌: ಇತ್ತೀಚಿನ ದಿನಗಳಲ್ಲಿ ಜನಪ್ರಿಯತೆ ಗಳಿಸಿಕೊಳ್ಳುತ್ತಿರುವ ಗೂಗಲ್‌ನ ಎ.ಐ. ತಂತ್ರಜ್ಞಾನವಾದ “ಜೆಮಿನಿ’ಯನ್ನು ಗೂಗಲ್‌ ಮ್ಯಾಪ್‌ನಲ್ಲಿ ಅಳವಡಿಸಲು ನಿರ್ಧರಿಸಲಾಗಿದೆ. ಈ ಮೂಲಕ ಬಳಕೆದಾರರು, ಮ್ಯಾಪ್‌ ಜತೆಗೆ ಮಾತನಾಡುತ್ತಾ ತಮಗೆ ಬೇಕಾದ ಸ್ಥಳವನ್ನು ಆಯ್ಕೆ ಮಾಡಿಕೊಳ್ಳಬಹುದು ಎಂದು ಗೂಗಲ್‌ ಹೇಳಿದೆ.

ಡ್ರೈವ್‌ ಮಾಡುತ್ತಿರುವ ಸಮಯದಲ್ಲೇ ಜೆಮಿನಿ ಜತೆ ಮಾತನಾಡುತ್ತಾ, ತಮ್ಮ ಲೊಕೇಶನ್‌ ಬಳಿ ಇರುವ ಹೊಟೇಲ್‌, ಕೆಫೆ, ಬಾರ್‌ಗಳ ಮಾಹಿತಿಯನ್ನು ಪಡೆದುಕೊಳ್ಳಬಹುದು. ಅಲ್ಲದೇ ಇಲ್ಲಿಗೆ ತಲುಪಲು ಗೂಗಲ್‌ನಿಂದ ದಾರಿ ಹಾಗೂ ಈ ಹಿಂದೆ ಭೇಟಿ ನೀಡಿದವರ ಪ್ರತಿಕ್ರಿಯೆಯನ್ನು ಪಡೆದು ಕೊಳ್ಳಬಹುದು. ಸದ್ಯ ಅಮೆರಿಕದಲ್ಲಿ ಮಾತ್ರ ಇದು ಜಾರಿಗೆ ಬರಲಿದ್ದು, ಮುಂದಿನ ದಿನಗಳಲ್ಲಿ ಎಲ್ಲೆಡೆಗೂ ವಿಸ್ತರಿಸಲಾಗುತ್ತದೆ ಎಂದು ಗೂಗಲ್‌ ಹೇಳಿದೆ.