Russian Court; ಗೂಗಲ್‌ಗೆ 20 ಡೆಸಿಲಿಯನ್‌ ದಂಡ

ಹೊಸದಿಲ್ಲಿ: ಉಕ್ರೇನ್‌ ಮೇಲೆ ಯುದ್ಧ ಘೋಷಿಸಿದ ಕಾರಣಕ್ಕೆ ರಷ್ಯಾ ಸರಕಾರದ ಚಾನೆಲ್‌ಗ‌ಳನ್ನು ನಿರ್ಬಂಧಿಸಿದ್ದ ಗೂಗಲ್‌ಗೆ ರಷ್ಯಾ 20 ಡೆಸಿಲಿಯನ್‌ ಡಾಲರ್‌ ದಂಡ ವಿಧಿಸಿದೆ. ಅಂದರೆ 2ರ ಮುಂದೆ 34 ಸೊನ್ನೆಗಳನ್ನು ಹಾಕಿದರೆ ಎಷ್ಟಾಗುತ್ತದೋ ಅಷ್ಟು ಡಾಲರ್‌ ಮೊತ್ತದ ದಂಡ ವಿಧಿಸಿದೆ. ಇಷ್ಟು ಹಣ ಇಡೀ ಜಗತ್ತಿನ ಆರ್ಥಿಕತೆಯನ್ನು ಒಟ್ಟು ಸೇರಿಸಿದರೂ, ಅದಕ್ಕಿಂತ ಹಲವು ಪಟ್ಟು ಅಧಿಕವಾಗಿದೆ. ಸರಕಾರದ ಪ್ರಸಾರ ನಿಯಮಗಳನ್ನು ಗೂಗಲ್‌ ಉಲ್ಲಂ ಸಿದೆ ಎಂಬ ಕಾರಣ ನೀಡಿ ಇಷ್ಟು ಬೃಹತ್‌ ಮೊತ್ತದ ದಂಡ ವಿಧಿಸಲಾಗಿದೆ. ಉಕ್ರೇನ್‌ ಮೇಲೆ ಯುದ್ಧ ಆರಂಭಿಸಿದ ಕಾರಣಕ್ಕೆ ರಷ್ಯಾದ ಸುದ್ದಿವಾಹಿನಿಗಳ ಮೇಲೆ ಗೂಗಲ್‌ ತನ್ನ ಯೂಟ್ಯೂಬ್‌ನಲ್ಲಿ 2022ರಲ್ಲಿ ನಿರ್ಬಂಧ ವಿಧಿಸಿತ್ತು. ಸುಮಾರು 1,000ಕ್ಕೂ ಹೆಚ್ಚು ಚಾನೆಲ್‌ಗ‌ಳನ್ನು ತನ್ನ ವೇದಿಕೆಯಿಂದ ತೆಗೆದುಹಾಕಿತ್ತು.