ನವದೆಹಲಿ: ದೆಹಲಿ ಮೆಟ್ರೋದೊಳಗೆ ಕಿಸ್‌ ಕೊಡುವುದು, ಡ್ಯಾನ್ಸ್‌ ಮಾಡುವುದು ಸೇರಿದಂತೆ ಹಲವು ಅಶ್ಲೀಲ ವೈರಲ್ ವಿಡಿಯೋ ಈಗಾಗಲೇ ನೋಡಿದ್ದೀರಿ. ಆದರೆ ಅದಕ್ಕೊಂದು ಹೊಸ ಸೇರ್ಪಡೆ ಎಂಬಂತೆ ದೆಹಲಿಯ ಪೆಟ್ರೋಲ್ ಬಂಕ್‌ ನಲ್ಲಿ ಯುವತಿಯೊಬ್ಬಳ ನಡವಳಿಕೆಯ ವಿಡಿಯೋ ಎಲ್ಲರ ಹುಬ್ಬೇರಿಸುವಂತೆ ಮಾಡಿದೆ!
ಇದನ್ನೂ ಓದಿ:NEET Grace Marks: 1563 ವಿದ್ಯಾರ್ಥಿಗಳ ಕೃಪಾಂಕ ರದ್ದು, ಜೂ.23ರಂದು ಮರುಪರೀಕ್ಷೆ
ಪೆಟ್ರೋಲ್ ಬಂಕ್‌ ಸಿಸಿಟಿವಿಯಲ್ಲಿ ಸೆರೆಯಾದ ದೃಶ್ಯದಲ್ಲಿ, ಸ್ಕೂಟರ್‌ ನಲ್ಲಿ ಬಂದ ಇಬ್ಬರು ಯುವತಿಯರು ಪೆಟ್ರೋಲ್ ತುಂಬಿಸಿಕೊಂಡಿದ್ದರು. ಬಳಿಕ ಬಂಕ್‌ ಸಿಬಂದಿ ಹಣ ಪಾವತಿಸುವಂತೆ ಕೇಳಿದ್ದ, ಆಗ ಯುವತಿ ಸ್ಕೂಟರ್‌ ನಿಂದ ಕೆಳಗೆ ಇಳಿದು, ಬಂಕ್‌ ಸಿಬಂದಿ ಎದುರು ಏಕಾಏಕಿ ತನ್ನ ಪ್ಯಾಂಟ್‌ ಅನ್ನು ಕೆಳಗೆ ಜಾರಿಸಿ ಪೇಮೆಂಟ್‌ ಆಯ್ತು ಎಂದಿದ್ದಳು!
ಆಕೆ ಕೆಳಗಿಳಿದು ಪ್ಯಾಂಟ್‌ ಜಾರಿಸಿ ಪೇಮೆಂಟ್‌ ಆಯ್ತು ಎಂದಾಗ, ಸ್ಕೂಟರ್‌ ನಲ್ಲಿ ಹಿಂಬದಿ ಕುಳಿತಿದ್ದ ಯುವತಿ ಈ ಎಲ್ಲಾ ನಾಚಿಕೆಗೆಟ್ಟ ನಡವಳಿಕೆಯನ್ನು ಸುಮ್ಮನೆ ಕುಳಿತು ನೋಡುತ್ತಿರುವುದು ವಿಡಿಯೋದಲ್ಲಿದೆ.
ಆಕೆಯ ವರ್ತನೆಯನ್ನು ಬಂಕ್‌ ಸಿಬಂದಿ ನಿರ್ಲಕ್ಷಿಸಿದ್ದ. ಆದರೆ ಯುವತಿ ಸ್ಕೂಟರ್‌ ಹತ್ತಿ ಕುಳಿತುಕೊಳ್ಳುವ ದೃಶ್ಯದೊಂದಿಗೆ ವಿಡಿಯೋ ಅಂತ್ಯಗೊಂಡಿದೆ. ಕೊನೆಗೂ ಯುವತಿ ಪೆಟ್ರೋಲ್ ತುಂಬಿಸಿಕೊಂಡ ಹಣ ಪಾವತಿ ಮಾಡಿದ್ದಾಳೋ ಇಲ್ಲವೋ ಎಂಬ ವಿವರ ತಿಳಿದುಬಂದಿಲ್ಲ.
