5 ಸಬ್‌ ಜೈಲು ಮುಚ್ಚಲು ತೆಲಂಗಾಣ ಸರಕಾರ ನಿರ್ಧಾರ

ಹೈದರಾಬಾದ್‌ : ನಂಬಿದ್ರೆ ನಂಬಿ, ಬಿಟ್ರೆ ಬಿಡಿ; ತೆಲಂಗಾಣದಲ್ಲಿ ಕೈದಿಗಳ ಸಂಖ್ಯೆ ಕಡಿಮೆಯಾಗುತ್ತಿದೆ. ಮಂಜೂರಾದ ಸಾಮರ್ಥ್ಯಕ್ಕಿಂತಲೂ ಕಡಿಮೆ ಸಂಖ್ಯೆಯ ಕೈದಿಗಳನ್ನು ಹೊಂದಿರುವ ಕಾರಣಕ್ಕೆ ತೆಲಂಗಾಣದಲ್ಲಿ  ಐದು ಉಪ ಬಂಧೀಖಾನೆಗಳು ಬಂದ್‌ ಆಗಲಿವೆ.

ಕೈದಿಗಳ ಮನ ಪರಿವರ್ತನೆ, ಸುಧಾರಣೆ ಮತ್ತು ಪುನರ್‌ ವಸತಿಯಂತಹ ಉಪಕ್ರಮಗಳು ಉತ್ತಮ ಫ‌ಲಿತಾಂಶ ನೀಡಿರುವುದೇ ತೆಲಂಗಾಣ ಸರಕಾರದ ಈ ನಿರ್ಧಾರಕ್ಕೆ ಕಾರಣವೆಂದು ಬಂಧೀಖಾನೆ ಮತ್ತು ಪರಿವರ್ತನ ಸೇವೆಗಳ ಮಹಾ ನಿರ್ದೇಶಕ ವಿ ಕೆ ಸಿಂಗ್‌ ಹೇಳಿದ್ದಾರೆ. 

ತೆಲಂಗಾಣದಲ್ಲಿ ಪ್ರಕೃತ 35 ಉಪ ಬಂಧೀಖಾನೆಗಳಿವೆ. ಈ ವರ್ಷಾಂತ್ಯ ನಾವು ಇನ್ನೂ ಮೂರು ಉಪ ಜೈಲುಗಲನ್ನು ಮುಚ್ಚುವ ಆಲೋಚನೆ ಮಾಡುತ್ತಿದ್ದೇವೆ ಎಂದು ಸಿಂಗ್‌ ಹೇಳಿದರು.