ಆನೇಕಲ್‌: ಬನ್ನೇರುಘಟ್ಟ ಜೈವಿಕ ಉದ್ಯಾನವನದಲ್ಲಿ ಡಿಸೆಂಬರ್‌ 2021ರಲ್ಲಿ ಎರಡು ಕಾಡೆಮ್ಮೆ (ಗೌರ್‌) ಕರುಗಳು ಜನಿಸಿದ್ದು, ಅಮ್ಮ ಮತ್ತು ಕರುಗಳು ಆರೋಗ್ಯವಾಗಿದೆ ಎಂದು ಉದ್ಯಾನವನವನದ ಕಾರ್ಯನಿರ್ವಾಣಾಧಿಕಾರಿ ವನಶ್ರೀ ವಿಪಿನ್‌ಸಿಂಗ್‌ ತಿಳಿಸಿದ್ದಾರೆ.
ಉದ್ಯಾನವನದಲ್ಲಿ ಸಸ್ಯಹಾರಿ ಪ್ರಾಣಿಗಳ ಸಫಾರಿಯಲ್ಲಿ 2 ಕಾಡೆಮ್ಮೆಗಳು 2 ಕರುಗಳಿಗೆ ಜನ್ಮ ನೀಡಿವೆ. ತಿಂಗಳ ಹಿಂದೆ ಕಾಡೆಮ್ಮೆ ಕರುಗಳಿಗೆ ಜನ್ಮನೀಡಿತ್ತಾದರೂ ತಾಯಿ ಕರುಗಳನ್ನುಪೊದೆಗಳಲ್ಲೇ ಕೆಲ ದಿನಗಳವರೆಗೂಸಲಹುತ್ತದೆ. ಇದರಿಂದಾಗಿ ನಾವುಕರುಗಳ ಬಗ್ಗೆ ಮಾಹಿತಿ ನೀಡಲು ಇಲ್ಲಿವರೆಗೂ ಕಾಯಬೇಕಾಯಿತು ಎಂದು ತಿಳಿಸಿದ್ದಾರೆ.
ಶ್ವೇತಾ ಮತ್ತು ಕುಮ್ತಾ ಎಂಬ ಎರಡು ಕಾಡೆಮ್ಮೆಗಳು ಒಂದು ಗಂಡು ಮತ್ತು ಒಂದು ಹೆಣ್ಣುಕರುಗಳಿಗೆ ಜನ್ಮ ನೀಡಿವೆ. ಸದ್ಯ ಸಸ್ಯಹಾರಿ ಪ್ರಾಣಿಗಳಸಫಾರಿಯಲ್ಲಿ ಪ್ರವಾಸಿಗರ ಆಕರ್ಷಣೆಯಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.
ಮೃಗಾಲಯಗಳು ಸಂರಕ್ಷಣಾ ಸಂತಾನೋತ್ಪತ್ತಿ ಕಾರ್ಯಕ್ರಮದ ಅಡಿಯಲ್ಲಿ ಕಾಡೆಮ್ಮೆಗಳ ಸಂತಾನೋತ್ಪತ್ತಿ ಮಾಡುವ ಮೂಲಕ ಮತ್ತು ಅವುಗಳ ಸಂಖ್ಯೆಯನ್ನುಹೆಚ್ಚಿಸುವ ಮೂಲಕ ಎಕ್ಸ್‌-ಸಿಟು ಸಂರಕ್ಷಣೆಯಲ್ಲಿ ಪ್ರಮುಖಪಾತ್ರವನ್ನು ವಹಿಸುತ್ತವೆ. ಬೆಂಗಳೂರು ಬನ್ನೇರುಘಟ್ಟ ಜೈವಿಕ ಉದ್ಯಾನವನದಲ್ಲಿ, ಹತ್ತು ಗೌರ್‌ಗಳನ್ನು(ಕಾಡೆಮ್ಮೆಗಳು) ಸಸ್ಯಹಾರಿ ಸಫಾರಿಯಲ್ಲಿ 68 ಹೆಕ್ಟೇರ್‌ ವ್ಯಾಪ್ತಿಯಲ್ಲಿ ವಿಶಾಲ ಪ್ರದೇಶದಲ್ಲಿ ಇರಿಸಲಾಗಿದೆ ಮತ್ತು ಇತರ ಸಸ್ಯಾಹಾರಿಗಳಾದ ಜಿಂಕೆ, ಕೃಷ್ಣಮೃಗ, ಕಡವೆ ಸೇರಿದಂತೆ ಹಲವು ಪ್ರಾಣಿಗಳು ಇಲ್ಲಿವೆ.
ಏಷ್ಯಾದಲ್ಲಿ ಕಾಡೆಮ್ಮೆಗಳ ವಾಸ : ಭಾರತೀಯ ಕಾಡೆಮ್ಮೆ/ಗೌರ್‌ಕುಟುಂಬದ ಅತಿ ದೊಡ್ಡ ಸದಸ್ಯ. ಅವು ಭಾರತ, ನೇಪಾಳ, ಭೂತಾನ್‌, ಬಾಂಗ್ಲಾದೇಶ,ಮ್ಯಾನ್ಮಾರ್‌, ಥೈಲ್ಯಾಂಡ್‌, ಚೀನಾ,ಲಾವೋಸ್‌, ಕಾಂಬೋಡಿಯಾ,ವಿಯೆಟ್ನಾಂ ಮತ್ತುಮಲೇಷ್ಯಾದಲ್ಲಿ ಸಂಭವಿಸುವದಕ್ಷಿಣ ಮತ್ತು ಆಗ್ನೇಯಏಷ್ಯಾದಾದ್ಯಂತ ಕಂಡು ಬರುತ್ತವೆ. ಅವು ಹೆಚ್ಚಾಗಿನಿತ್ಯಹರಿದ್ವರ್ಣ, ಅರೆ-ನಿತ್ಯಹರಿದ್ವರ್ಣಮತ್ತು ತೇವಾಂಶವುಳ್ಳ ಅರಣ್ಯಕ್ಕೆ ಸೀಮಿತವಾಗಿವೆ. ಆದರೆ ಒಣಎಲೆಯುದುರುವ ಮತ್ತು ಮುಳ್ಳಿನ ಕಾಡಿನಲ್ಲಿ ಕಂಡುಬರುತ್ತವೆ. ಆವಾಸಸ್ಥಾನದ ಘಟನೆ ಮತ್ತು ಬೇಟೆಯಾಡುವಿಕೆಯು ಕಾಡೆಮ್ಮೆಗಳ ಸಂಖ್ಯೆಯಲ್ಲಿ ಸಾಕಷ್ಟುಇಳಿಸಿದೆ. ಈ ಜಾತಿಗಳನ್ನು ಅಳಿವಿನಂಚಿನಿಂದರಕ್ಷಿಸಲು ಅವುಗಳನ್ನು ಭಾರತದಲ್ಲಿ ವನ್ಯಜೀವಿ ಸಂರಕ್ಷಣಾ ಕಾಯಿದೆ, 1972 ರ “”ಶೆಡ್ನೂಲ್‌1” ಅಡಿಯಲ್ಲಿ ಪಟ್ಟಿಮಾಡಲಾಗಿದೆ ಮತ್ತು ಜಾಗತಿಕವಾಗಿ ಐಯುಸಿಎನ್‌ ರೆಡ್‌ಲಿಸ್ಟ್ ನಿಂದ “”ದುರ್ಬಲ” ಎಂದು ಪಟ್ಟಿ ಮಾಡಲಾಗಿದೆ.
