ಬೋಪಣ್ಣ ಜೋಡಿಗೆ ಕ್ವಾರ್ಟರ್‌ ಫೈನಲ್‌ನಲ್ಲಿ ಸೋಲು

ಲಂಡನ್‌: ಭಾರತದ ರೋಹನ್‌ ಬೋಪಣ್ಣ ಮತ್ತು ಗ್ಯಾಬ್ರಿಯೆಲಾ ದಾಬೊÅವಿಸ್ಕಿ ಮೂರು ಸೆಟ್‌ಗಳ ಕಠಿನ ಹೋರಾಟದಲ್ಲಿ ಗೆಲುವಿಗಾಗಿ ಶಕ್ತಿಮೀರಿ ಪ್ರಯತ್ನಿಸಿದರೂ ಯಶಸ್ಸು ದಾಖಲಿಸದೇ ನಿರಾಸೆ ಅನುಭವಿಸಿದರು. ಎರಡು ತಾಸುಗಳ ಸಂಘರ್ಷಪೂರ್ಣ ಕಾದಾಟದಲ್ಲಿ ಬೋಪಣ್ಣ-ದಾಬೊÅವಿಸ್ಕಿ ಅವರು 7-6 (7-4), 4-6, 5-7 ಸೆಟ್‌ಗಳಿಂದ ಹೆನ್ರಿ ಕಾಂಟಿನೆನ್‌ ಮತ್ತು ಹೀತರ್‌ ವಾಟ್ಸನ್‌ ಅವರಿಗೆ ಶರಣಾದರು.

ಸೆಂಟರ್‌ ಕೋರ್ಟ್‌ನಲ್ಲಿ ನಡೆದ ಈ ಪಂದ್ಯದಲ್ಲಿ ಬೋಪಣ್ಣ ಮತ್ತು ದಾಬೊÅವಿಸ್ಕಿ ಉತ್ತಮ ಆಟ ಪ್ರದರ್ಶಿಸಿ ಮೊದಲ ಸೆಟ್‌ ಅನ್ನು ಟೈಬ್ರೇಕರ್‌ನಲ್ಲಿ 7-4 ಅಂತರದಿಂದ ಗೆದ್ದು ಗೆಲುವಿನ ವಿಶ್ವಾಸ ಮೂಡಿಸಿದರು. ಈ ವರ್ಷದ ಫ್ರೆಂಚ್‌ ಓಪನ್‌ ಮಿಕ್ಸೆಡ್‌ ಡಬಲ್ಸ್‌ ಪ್ರಶಸ್ತಿ ಜಯಿಸಿದ್ದ ಬೋಪಣ್ಣ-ದಾಬೊÅವಿಸ್ಕಿ ಇಲ್ಲಿಯೂ ಪ್ರಶಸ್ತಿ ಗೆಲ್ಲುವ ಸಾಧ್ಯತೆ ತೆರೆದಿಟ್ಟರು. ಆದರೆ ದ್ವಿತೀಯ ಮತ್ತು ನಿರ್ಣಾಯಕ ಸೆಟ್‌ನಲ್ಲಿ ಕಾಂಟಿನೆನ್‌-ವಾಟ್ಸನ್‌ ಪ್ರಬಲ ಪೈಪೋಟಿ ನೀಡಿ ಪಂದ್ಯ ಗೆದ್ದರಲ್ಲದೇ ಸೆಮಿಫೈನಲ್‌ ತಲುಪಿದರು.

ಸೆಮಿಫೈನಲ್‌ ಹೋರಾಟದಲ್ಲಿ ಕಾಂಟಿನೆನ್‌-ದಾಬೊÅವಿಸ್ಕಿ ಅವರು ದ್ವಿತೀಯ ಶ್ರೇಯಾಂಕದ ಬ್ರುನೊ ಸೊರೆಸ್‌ ಮತ್ತು ಎಲೆನಾ ವೆಸ್ನಿನಾ ಅವರನ್ನು ಎದುರಸಲಿದ್ದಾರೆ. ಬ್ರುನೊ-ವೆಸ್ನಿನಾ ಅವರು ಈ ಹಿಂದಿನ ಪಂದ್ಯದಲ್ಲಿ ಸಾನಿಯಾ ಮಿರ್ಜಾ ಮತ್ತು ಇವಾನ್‌ ಡೊಡಿಗ್‌ ಅವರನ್ನು ಕೆಡಹಿದ್ದರು.