ಔರಂಗಜೇಬ್‌ ಗೋರಿ ತೆರವಿಗೆ ಪ್ರಧಾನಿಗೆ ಪತ್ರ

ಔರಂಗಬಾದ್‌: ಮಹಾರಾಷ್ಟ್ರದ ಔರಂಗಬಾದ್‌ನಲ್ಲಿರುವ ಮೊಘಲ್‌ ಸುಲ್ತಾನ ಔರಂಗಜೇಬ್‌ನ ಗೋರಿಯನ್ನು ತೆರವು ಮಾಡಬೇಕೆಂದು ಶಿವಸೇನಾ ಶಾಸಕ ಸಂಜಯ್‌ ಶಿರ್ಸತ್‌ ಆಗ್ರಹಿಸಿದ್ದಾರೆ.

ಈ ಬಗ್ಗೆ ಪ್ರಧಾನಿಗೆ ಮೋದಿಯವರಿಗೆ ಪತ್ರ ಬರೆಯುವುದಾಗಿಯೂ ಹೇಳಿದ್ದಾರೆ. ಜತೆಗೆ ಈ ನಿಟ್ಟಿನಲ್ಲಿ ಸಿಎಂ ಏಕನಾಥ ಶಿಂಧೆ ಬಣಕ್ಕೆ ಬೆಂಬಲ ನೀಡುವುದಾಗಿ ಹೇಳಿದ್ದಾರೆ.

ಔರಂಗಬಾದ್‌ನ ಹೆಸರನ್ನು ಛತ್ರಪತಿ ಸಾಂಭಾಜಿನಗರವೆಂದು ಬದಲಾಯಿಸುವುದರ ವಿರುದ್ಧ; ಎಐಎಂಐಎಂ ಸಂಸದ ಇಮ್ತಿಯಾಜ್‌ ಜಲೀಲ್‌ ಮಾಡಿರುವ ಪ್ರತಿಭಟನೆಯನ್ನು ಬಿರಿಯಾನಿ ಪಾರ್ಟಿ ಎಂದು ಲೇವಡಿ ಮಾಡಿದ್ದಾರೆ. ಹೆಸರು ಬದಲಾವಣೆಯಿಂದ ನಿಮಗೆ ಆಗುವ ತೊಂದರೆಯೇನೆಂದು ಪ್ರಶ್ನಿಸಿದ್ದಾರೆ.