Rules ಪಾಲಿಸದಿದ್ದರೆ ವಿಕಿಪೀಡಿಯಾ ಬಂದ್‌: ಹೈಕೋರ್ಟ್‌ ಎಚ್ಚರಿಕೆ

ಹೊಸದಿಲ್ಲಿ: “ಭಾರತೀಯ ಕಾನೂನುಗಳ ಪಾಲಿಸದ ನಿಮಗೆ ಭಾರತ ಇಷ್ಟವಿಲ್ಲದಿದ್ದಲ್ಲಿ, ದಯವಿಟ್ಟು ಭಾರತ ದಲ್ಲಿ ಸೇವೆ ನೀಡಬೇಡಿ, ನಿಮ್ಮ ತಾಣವನ್ನು ಬಂದ್‌ ಮಾಡುವಂತೆ ನಾವೇ ಸರಕಾರಕ್ಕೆ ಹೇಳುತ್ತೇವೆ’ ಎಂದು ಆನ್‌ಲೈನ್‌ ವಿಶ್ವಕೋಶ ವಿಕಿಪೀಡಿಯಾಗೆ ದಿಲ್ಲಿ ಹೈಕೋರ್ಟ್‌ ಎಚ್ಚರಿಸಿದೆ.

ಎಎನ್‌ಐ ಸುದ್ದಿ ಸಂಸ್ಥೆ ಕುರಿ ತಂತೆ ವಿಕಿಪೀಡಿಯಾ ಮಾಹಿತಿಯಲ್ಲಿ “ಎಎನ್‌ಐ- ಭಾರತ ಸರಕಾರದ ಪ್ರಚಾರ ಸಾಧನ’ ಎಂದು ತಿದ್ದು ಪಡಿ ಮಾಡಿದ್ದನ್ನು ವಿರೋಧಿಸಿ ವಿಕಿಪೀಡಿಯಾ ಮೇಲೆ ಎಎನ್‌ಐ ಮಾನನಷ್ಟ ಪ್ರಕರಣ ದಾಖಲಿಸಿತ್ತು. ವಿಚಾ ರಣೆ ನಡೆಸಿದ್ದ ಹೈಕೋರ್ಟ್‌, ತಿದ್ದುಪಡಿ ನಡೆಸಿದವರ ಮಾಹಿತಿ ಬಹಿರಂಗಪಡಿಸುವಂತೆ ಸೂಚಿಸಿತ್ತು. ನಿಗದಿತ ವೇಳೆಯಲ್ಲಿ ಮಾಹಿತಿ ನೀಡದ ವಿಕಿಪೀಡಿಯಾ “ತಾನು ಭಾರತದ ಸಂಸ್ಥೆಯಲ್ಲದ ಕಾರಣ ದಾಖಲೆಗಳನ್ನು ನೀಡುವಲ್ಲಿ ತಡವಾಗಿದೆ” ಎಂದು ಸಬೂಬು ಹೇಳಿತ್ತು.