ಉಕ್ರೇನ್ ನಿಂದ ರಕ್ಷಿಸಲ್ಪಟ್ಟ ಕೇರಳ ವ್ಯಕ್ತಿಯ ಮಗುವಿಗೆ ಗಂಗಾ ಎಂದು ಹೆಸರಿಡಲು ನಿರ್ಧಾರ

ಹೊಸದಿಲ್ಲಿ: ಉಕ್ರೇನ್‌ನಿಂದ ಆಪರೇಷ‌ನ್‌ ಗಂಗಾ ಮೂಲಕ ರಕ್ಷಿಸಲ್ಪಟ್ಟು ಸಮೀಪದ ಪೋಲೆಂಡ್‌ಗೆ ಸ್ಥಳಾಂತರಗೊಂಡಿರುವ ಕೇರಳ ಮೂಲದ ಉದ್ಯಮಿಯೊಬ್ಬರು, ಸದ್ಯದಲ್ಲೇ ಹುಟ್ಟಲಿರುವ ತನ್ನ ಮಗುವಿಗೆ “ಗಂಗಾ’ ಎಂದು ಹೆಸರಿಡಲು ನಿರ್ಧರಿಸಿದ್ದಾರೆ.

ಉಕ್ರೇನ್‌ ರಾಜಧಾನಿ ಕೀವ್‌ನಲ್ಲಿ ಸಣ್ಣ ರೆಸ್ಟೋರೆಂಟ್‌ ನಡೆಸುತ್ತಿರುವ ಕೇರಳದ ಅಭಿಜಿತ್‌ ಅವರು ಪತ್ನಿ ಸಹಿತ ಅಲ್ಲಿ ನೆಲೆಸಿದ್ದಾರೆ. ಪ್ರಸ್ತುತ ಅವರ ಪತ್ನಿ ತುಂಬು ಗರ್ಭಿಣಿಯಾಗಿದ್ದು, ದಂಪತಿಯನ್ನು ಆಪರೇಷ‌ನ್‌ ಗಂಗಾ ಮೂಲಕ ಪೋಲೆಂಡ್‌ಗೆ ಸ್ಥಳಾಂತರಿಸಲಾಗಿದೆ. ಪತ್ನಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆಕೆಯ ಆರೋಗ್ಯ ಉತ್ತಮವಾಗಿದೆ. ಮಾರ್ಚ್‌ 26ರಂದು ಹೆರಿಗೆ ಆಗಬಹುದು ಎಂದು ವೈದ್ಯರು ತಿಳಿಸಿದ್ದಾರೆ.

ಮಗು ಯಾವುದೇ ಆಗಿದ್ದರೂ ನಾನು ಗಂಗಾ ಎಂದೇ ಹೆಸರಿಡುತ್ತೇನೆ ಎಂದು ಅಭಿಜಿತ್‌ ತಿಳಿಸಿದ್ದಾರೆ.