Joe Biden “ಮರೆಗುಳಿ’ತನ ಕುರಿತ ಹೇಳಿಕೆ: ರಾಹುಲ್‌ ಕ್ಷಮೆಗೆ ವೈದ್ಯರ ಪಟ್ಟು

ಹೊಸದಿಲ್ಲಿ: ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಅವರಂತೆ ಮೋದಿಯವರಿಗೂ ಮರೆಗುಳಿತನ ಸಮಸ್ಯೆ ಆರಂಭವಾಗಿದೆ ಎಂದು ಹೇಳಿಕೆ ನೀಡಿದ್ದ ಲೋಕಸಭೆ ವಿಪಕ್ಷ ನಾಯಕ ರಾಹುಲ್‌ ಗಾಂಧಿ ಸಾರ್ವಜನಿಕವಾಗಿ ಕ್ಷಮೆಯಾಚಿಸಬೇಕೆಂದು ವೈದ್ಯ ಸಂಘವೊಂದು ಆಗ್ರಹಿಸಿದೆ.

ಕಾಂಗ್ರೆಸ್‌ ಮಾಜಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರಿಗೆ ಪತ್ರ ಬರೆದಿರುವ ಎನ್‌ಎಮ್‌ಒ-ಭಾರತ್‌ ಎಂಬ ವೈದ್ಯ ಸಂಘ, “ರಾಜಕೀಯ ಹೇಳಿಕೆಗಳು ಯಾರನ್ನೂ ಅಪಹಾಸ್ಯ ಮಾಡುವಂತಿರಬಾರದು.

ಬೈಡೆನ್‌ ಕುರಿತ ರಾಹುಲ್‌ ಹೇಳಿಕೆಯಿಂದಾಗಿ ಹಲವು ಹಿರಿಯ ನಾಗರಿಕರಿಗೆ ಮತ್ತು ರೋಗಿಗಳಿಗೆ ಅಗೌರವ ಸಲ್ಲಿಸಿದಂತಾಗಿದೆ. ಇಂತಹ ಹೇಳಿಕೆಯಿಂದ ವೃದ್ಧಾಪ್ಯ, ಜ್ಞಾಪಕ ಶಕ್ತಿ ಕುರಿತಾದ ಕಾಯಿಲೆಗಳ ಕುರಿತು ಜನರಲ್ಲಿ ತಪ್ಪುಕಲ್ಪನೆ ಮೂಡಲು ಕಾರಣವಾಗು ತ್ತದೆ. ಆದ್ದರಿಂದ ರಾಹುಲ್‌ ಕ್ಷಮೆಯಾಚಿಸಬೇಕು’ ಎಂದು ಆಗ್ರಹಿಸಿದೆ.