Washington: ಅಮೆರಿಕ ಗುಪ್ತಚರ ಸಂಸ್ಥೆಗೆ ತುಳಸಿ ಗಬಾರ್ಡ್‌ ಮುಖ್ಯಸ್ಥೆ

ವಾಷಿಂಗ್ಟನ್‌: ಅಮೆರಿಕದ ಗುಪ್ತಚರ ಸಂಸ್ಥೆಗಳ ಮುಖ್ಯಸ್ಥ ಸ್ಥಾನಕ್ಕೆ ತುಳಸಿ ಗಬಾರ್ಡ್‌ ಅವರನ್ನು ನಿಯೋಜಿತ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ನೇಮಕ ಮಾಡಿದ್ದಾರೆ. ಟ್ರಂಪ್‌ 2ನೇ ಅವ­ಧಿಯ ಅಧ್ಯ ಕ್ಷೀಯ ಅವಧಿಯಲ್ಲಿ ಸರಕಾರದ ಪ್ರಮುಖ ಹುದ್ದೆಗೆ ಹಿಂದೂ ಸಮುದಾಯಕ್ಕೆ ಸೇರಿದ ಮೊದಲ ಮಹಿಳೆಗೆ ಅಗ್ರಸ್ಥಾನ ಸಿಕ್ಕಿದಂತಾಗಿದೆ.

ಡೆಮಾ­ಕ್ರಾಟ್‌ ಪಕ್ಷದ ಬೆಂಬಲಿಗರಾಗಿದ್ದ ಇತ್ತೀಚೆಗಷ್ಟೇ ನಿಯೋಜಿತ ಅಧ್ಯ ಕ್ಷ ರಿಗೆ ತಮ್ಮ ಬೆಂಬಲ ಘೋಷಿಸಿದ್ದರು. ಅವರ ನೇರ ನಿಯಂತ್ರಣದಲ್ಲಿ ಅಮೆರಿಕದ 18 ಗುಪ್ತಚರ ಸಂಸ್ಥೆಗಳು ಕಾರ್ಯವೆ­ಸಗಲಿವೆ. ಪ್ರಧಾನಿ ಮೋದಿ ಅವರನ್ನು ಅಭಿನಂದಿಸಿ ಟ್ವೀಟ್‌ ಮಾಡಿದ್ದಾರೆ.

ಯಾರಿದು ತುಳಸಿ?
1981 ಎ.12ರಂದು ಅಮೆ ರಿಕ ದಲ್ಲಿ ಜನಿಸಿದ ತುಳಸಿ ಗಬಾರ್ಡ್‌ ತಾಯಿ ಕಾರೊಲ್‌ ಪೋರ್ಟರ್‌ ಹಿಂದೂ ಧರ್ಮಕ್ಕೆ ಮತಾಂತರ­ಗೊಂಡಿದ್ದರು. ಹೀಗಾಗಿ ಅವರ ಹೆಸ­ರಲ್ಲೂ ಬದಲಾವಣೆ ಆಯಿತು.

ಸೇನೆಯಲ್ಲಿ 2 ದಶಕಗಳ ಕಾಲ ಕಾರ್ಯ  ನಿರ್ವಹಿಸಿದ್ದರು. 2012ರಲ್ಲಿ ಅಮೆರಿಕ ಸಂಸತ್‌ಗೆ ಆಯ್ಕೆಯಾದರು. ಇಂಥ ಗೌರವಕ್ಕೆ ಪಾತ್ರರಾದ ಅಮೆರಿಕದಲ್ಲಿರುವ ಮೊದಲ ಹಿಂದೂ ಮಹಿಳೆ ಎಂಬ ಗೌರವಕ್ಕೆ ಪಾತ್ರರಾಗಿದ್ದರು. ಭಗವದ್ಗೀತೆ ಹಿಡಿದುಕೊಂಡು ಪ್ರಮಾಣ ವಚನ ಸ್ವೀಕರಿಸಿದ್ದರು.