ವದಂತಿಗೆ ಮತ್ತೆರಡು ಬಲಿ

ಔರಾಂಗಾಬಾದ್‌: ದರೋಡೆಕೋರರು ಎಂಬ ಶಂಕೆಯ ಮೇಲೆ ಮಹಾರಾಷ್ಟ್ರದ ಔರಾಂಗಾಬಾದ್‌ ಜಿಲ್ಲೆಯ ಚಂದಾಗಾಂವ್‌ ಗ್ರಾಮದಲ್ಲಿ ಇಬ್ಬರನ್ನು ಗ್ರಾಮಸ್ಥರೇ ಹೊಡೆದು ಕೊಂದಿದ್ದಾರೆ. ಕಳೆದ ಶುಕ್ರವಾರವೇ ಈ ಘಟನೆ ನಡೆದಿದ್ದು ಇದೀಗ ಬೆಳಕಿಗೆ ಬಂದಿದೆ. ವಾಟ್ಸ್‌ ಆ್ಯಪ್‌ನ ಸುಳ್ಳು ಸಂದೇಶಗಳನ್ನು ನಂಬಿದ್ದ ಈ ಗ್ರಾಮಸ್ಥರು ಹೊಲವೊಂದರಲ್ಲಿ ಇದ್ದ ಒಂಬತ್ತು ಮಂದಿಯನ್ನು ಹಿಡಿದು ತಂದು ಹಲ್ಲೆ 
ಮಾಡಿದ್ದರು. ಸ್ಥಳದಲ್ಲೇ ಇಬ್ಬರು ಸಾವನ್ನಪ್ಪಿದ್ದರೆ, ಇನ್ನೊಬ್ಬರ ಸ್ಥಿತಿ ಚಿಂತಾಜನಕವಾಗಿದೆ.