ವಾಟ್ಸಾಪ್ ನಲ್ಲಿ ಬಂದಿದೆ ಹೊಸ ಫೀಚರ್: ಇನ್ನು ಮುಂದೆ ಚಾಟಿಂಗ್ ಮತ್ತಷ್ಟು ಸುಲಭ !

ನವದೆಹಲಿ: ಹಲವು ತಿಂಗಳ ಪರೀಕ್ಷೆಯ ನಂತರ ಕೊನೆಗೂ ವಾಟ್ಸಾಪ್ ಹೊಸ ಫೀಚರ್ ಒಂದನ್ನು ಹೊರತಂದಿದೆ. ಇದೀಗ ವಾಟ್ಸಾಪ್ ಬಳಕೆದಾರರು ಚಾಟ್ಸ್ ಗಳನ್ನು Mute Forever ಮಾಡಬಹುದು.

ಹೊಸ ಫೀಚರ್ ವಾಟ್ಸಾಪ್ ಆ್ಯಂಡ್ರಾಯ್ಡ್, ಐಓಎಸ್ ಆ್ಯಪ್ಸ್ ಹಾಗೂ ವಾಟ್ಸಾಪ್ ವೆಬ್ ನಲ್ಲಿ ಲಭ್ಯವಿದೆ. ಈ ಫೀಚರ್ ಅನ್ನು ವಾಟ್ಸಾಪ್ ಕಳೆದ 5 ತಿಂಗಳಿನಿಂದ ಪರೀಕ್ಷೆಗೊಳಪಡಿಸಿತ್ತು. ಈ ಮೊದಲು ಯಾವುದೇ ಚಾಟ್ ಗಳನ್ನು 8 ಗಂಟೆ, 1 ವಾರ ಮತ್ತು 1 ವರ್ಷ ಮ್ಯೂಟ್ ಮಾಡಬಹುದಿತ್ತು. ಈ ಅವಧಿ ಮುಗಿದ ಬಳಿಕ ಅನ್ ಮ್ಯೂಟ್ ಆಗುತ್ತಿದ್ದವು. ಆದರೇ ಇದೀಗ 1 ವರ್ಷದ ಬದಲು Always ಅಯ್ಕೆಬಂದಿದ್ದು, ಶಾಶ್ವತವಾಗಿ ಚಾಟ್ ಗಳನ್ನು ಮ್ಯೂಟ್ ಮಾಡಬಹುದಾಗಿದೆ,

ಬ್ಯಾಕ್ ಟು ಬ್ಯಾಕ್ ಬರುವ ಗ್ರೂಪ್ ಮೆಸೇಜ್ ಗಳಿಂದ ಪಾರಾಗಲು ಇದೊಂದು ಉತ್ತಮ ಆಯ್ಕೆ. ಒಮ್ಮೆ ಚಾಟ್ ಮ್ಯೂಟ್ ಮಾಡಿದಾಕ್ಷಣ ಯಾವುದೇ ನೋಟಿಫಿಕೇಶನ್ ಕಾಣಿಸಿಕೊಳ್ಳುವುದಿಲ್ಲ.

ಶೀಘ್ರದಲ್ಲೇ ವಾಟ್ಸಾಪ್ ಮತ್ತೊಂದು ಫೀಚರ್ ಅನ್ನು ಕೂಡ ಬಳಕೆಗೆ ತರುತ್ತಿದ್ದು ಇದನ್ನು ವೆಕೇಶನ್ ಮೋಡ್ ಎಂದೇ ಕರೆಯಲಾಗಿದೆ. ಇದಿನ್ನು ಪರೀಕ್ಷಾರ್ಥ ಹಂತದಲ್ಲಿದೆ.  ಈಗಿರುವ ಆರ್ಕೈವ್ ಮೋಡ್ ನಲ್ಲಿ ಹೊಸ ಮೆಸೇಜ್ ಬಂದಾಕ್ಷಣ ಆ ಚಾಟ್ ಮೇಲ್ಭಾಗದಲ್ಲಿ ಕಾಣಿಸಿಕೊಳ್ಳಲು ಆರಂಭಿಸುತ್ತದೆ. ಇದನ್ನು ತಪ್ಪಿಸಲು ವೆಕೇಶನ್ ಮೋಡ್ ಜಾರಿಗೆ ತರಲಾಗಿದ್ದು ಆರ್ಕೈವ್ ಮಾಡಲಾದ ಚಾಟ್ ಗಳು ಶಾಶ್ವತವಾಗಿ ಹಿಡನ್ ನಲ್ಲಿರುತ್ತದೆ.