Kazakhstan: ಕಜಕ್‌ ವಿಮಾನವನ್ನು ರಷ್ಯಾವೇ ಉರುಳಿಸಿದೆ: ಅಜರ್‌ಬೈಜಾನ್‌

ಬಾಕು: ಕಜಕಿಸ್ಥಾನದಲ್ಲಿ ಅಜರ್‌ಬೈಜಾನ್‌ ವಿಮಾನ ದುರಂತಕ್ಕೀಡಾದ ಘಟನೆ ಸಂಬಂಧ ರಷ್ಯಾ ನಡೆಗೆ ಅಜರ್‌ಬೈಜಾನ್‌ ಅಧ್ಯಕ್ಷ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ವಿಮಾನವನ್ನು ರಷ್ಯಾವೇ ಹೊಡೆದುರುಳಿಸಿದೆ. ಆದರೆ, ಅದು ಉದ್ದೇಶ ಪೂರ್ವಕವಾಗಿ ಆಗಿ ದ್ದಲ್ಲ. ಆದರೂ ರಷ್ಯಾವು ತನ್ನ ತಪ್ಪನ್ನು ಒಪ್ಪಿ ಕೊಳ್ಳಲು ತಯಾರಿಲ್ಲ ಎಂದು ಅಜರ್‌ಬೈಜಾನ್‌ ಅಧ್ಯಕ್ಷ ಇಲ್ಹಮ್‌ ಅಲಿಯೆವ್‌ ಹೇಳಿದ್ದಾರೆ. ಈ ಬಗ್ಗೆ ಅಜರ್‌ಬೈಜಾನ್‌ ರಷ್ಯಾ ಎದುರು 3 ಬೇಡಿಕೆಗಳನ್ನಿಟ್ಟಿದೆ.

ರಷ್ಯಾ ಕ್ಷಮೆಯಾಚಿಸಬೇಕು. ದಾಳಿ ನಡೆಸಿದ್ದು ನಾವೇ ಎಂದು ಒಪ್ಪಿಕೊಳ್ಳಬೇಕು ಹಾಗೂ ಸಂತ್ರಸ್ತರಿಗೆ ಪರಿಹಾರ ನೀಡಬೇಕು ಎಂದಿದೆ.