Advertisement
ಬೇರೆ ಬೇರೆ ನಿಯಮಕೋವಿಡ್-19 ಸಂಬಂಧಿಸಿದಂತೆ ದುಬಾೖ ಮತ್ತು ಅಬುಧಾಬಿಯಲ್ಲಿ ಬೇರೆ ಬೇರೆ ನಿಯಮಗಳಿವೆ. ಅಬುಧಾಬಿಗೆ ತೆರಳುವ ಮುನ್ನ ಕ್ರಿಕೆಟಿಗರ ಮ್ಯಾಂಡಿಟರಿ ರ್ಯಾಪಿಡ್‌ ಟೆಸ್ಟ್‌ ನಡೆಸಬೇಕಾದುದು ಅನಿವಾರ್ಯ. ಇದು ಪ್ರತೀ ಸಲವೂ ಅನ್ವಯಿಸುತ್ತದೆ. ಆದ್ದರಿಂದ ಅಬುಧಾಬಿಯಲ್ಲಿ ಕಡಿಮೆ ಸಂಖ್ಯೆಯ ಪಂದ್ಯಗಳನ್ನು ಆಡಿಸುವುದು ಬಿಸಿಸಿಐ ಯೋಜನೆ. ಗಲ್ಫ್ ನಾಡಿನ ಹವಾಮಾನ ಕೂಡ ವೇಳಾಪಟ್ಟಿಯ ರಚನೆಯಲ್ಲಿ ನಿರ್ಣಾಯಕ ಪಾತ್ರ ವಹಿಸಲಿದೆ. ಇಲ್ಲಿನ ಸುಡು ಬಿಸಿಲಿನ ವಾತಾವರಣದಲ್ಲಿ ದಿನಕ್ಕೆ 2 ಪಂದ್ಯಗಳನ್ನು ಆಯೋಜಿಸುವುದು ದೊಡ್ಡ ಸವಾಲಾಗಿ ಪರಿಣಮಿಸಿದೆ. ಸಂಜೆ ಬಳಿಕ ತಣ್ಣಗಿನ ವಾತಾವರಣ ಇದ್ದರೂ ಅಪರಾಹ್ನ ಇದೇ ಸ್ಥಿತಿ ಇರದು. ಆಗ ಉರಿಬಿಸಿಲು ಕ್ರಿಕೆಟಿಗರನ್ನು ಕಾಡಲಿದೆ.
ಅಲ್ಲದೇ ಪಂದ್ಯಗಳನ್ನು ಭಾರತೀಯ ಕಾಲಮಾನಕ್ಕೆ ಹೊಂದಿಸಿಕೊಳ್ಳಬೇಕಾದ ಇನ್ನೊಂದು ಸವಾಲು ಕೂಡ ಇದೆ. ಯುಎಇ ಸಮಯಕ್ಕಿಂತ ಭಾರತ 1.30 ಗಂಟೆ ಮುಂದಿದೆ. ಇಲ್ಲಿ 7.30ರ ಪಂದ್ಯ ಅಲ್ಲಿ 6 ಗಂಟೆಗೆ ಆರಂಭವಾಗಬೇಕಾಗುತ್ತದೆ. ಆ ಸಮಯದಲ್ಲೂ ಬಿಸಿಲಿನ ತೀವ್ರತೆ ಇರುತ್ತದೆ. ಅಪರಾಹ್ನದ ಪಂದ್ಯ ಅಲ್ಲಿ 2 ಗಂಟೆಗೆ ಶುರುವಾಗುತ್ತದೆ. ಹೀಗಾಗಿ ದಿನಕ್ಕೆ ಎರಡು ಪಂದ್ಯಗಳನ್ನು ಆಯೋಜಿಸುವುದು ಹೇಗೆ ಎಂಬ ಬಗ್ಗೆಯೂ ಯೋಚಿಸಬೇಕಾಗುತ್ತದೆ. ಪ್ರಯಾಣ ನಿರ್ಬಂಧ ಹಾಗೂ ಜೈವಿಕ ಸುರಕ್ಷಾ ನಿಯಮಗಳ ಕಾರಣ ಈ ಐಪಿಎಲ್‌ ಉದ್ಘಾಟನಾ ಹಾಗೂ ಸಮಾರೋಪ ಸಮಾರಂಭವನ್ನು ನಡೆಸದಿರಲು ಬಿಸಿಸಿಐ ಈಗಾಗಲೇ ತೀರ್ಮಾನಿಸಿದೆ.