ತಿಮಿಂಗಿಲ ವಾಂತಿ ಸಾಗಾಟ ಮಾಡುತ್ತಿದ್ದ ಮೂವರ ಬಂಧನ, 5.35 ಕೆಜಿ ತೂಕದ ವಾಂತಿ ವಶ

ಅಹ್ಮದಾಬಾದ್‌: ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ 7 ಕೋಟಿ ರೂ.ಮೌಲ್ಯ ಇರುವ ತಿಮಿಂಗಿದ ವಾಂತಿಯನ್ನು ಕಳವು ಮಾಡುತ್ತಿದ್ದ ಮೂವರನ್ನು ಅಹ್ಮದಾಬಾದ್‌ ಪೊಲೀಸರು ಬಂಧಿಸಿದ್ದಾರೆ.

ಅವರ ಬಳಿ ಇದ್ದ 5.35 ಕೆಜಿ ತೂಕದ ವಾಂತಿಯನ್ನು ವಶಪಡಿಸಿಕೊಂಡಿದ್ದಾರೆ. ಅದನ್ನು ಜುನಾಗಡದಿಂದ ನಗರದಲ್ಲಿರುವ ವ್ಯಕ್ತಿಗೆ ತರಲಾಗುತ್ತಿತ್ತು.

ಬಂಧಿತರಲ್ಲಿ ಇಬ್ಬರು ಗುಜರಾತ್‌ಗೆ ಸೇರಿದವರು, ಮತ್ತೂಬ್ಬ ರಾಜಸ್ಥಾನಕ್ಕೆ ಸೇರಿದವನು. ತಿಮಿಂಗಿಲಗಳ ವಾಂತಿಯು ನೀರಿನಲ್ಲಿ ಕರಗದೆ ಗಟ್ಟಿಯಾಗುತ್ತದೆ. ಇದನ್ನು ಸೌಂದರ್ಯ ವರ್ಧಕಗಳನ್ನು ತಯಾರಿಕೆಯಲ್ಲಿ ಬಳಕೆ ಮಾಡುತ್ತಾರೆ. ಇತ್ತೀಚೆಗೆ ಕರ್ನಾಟಕದ ಮುರ್ಡೇಶ್ವರದಲ್ಲಿ ಕೂಡ ಇದೇ ಮಾದರಿಯ ತಿಮಿಂಗಿಲ ವಾಂತಿ ಪತ್ತೆಯಾಗಿತ್ತು.

ಇದನ್ನೂ ಓದಿ :ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿ ಮೇ 27 ರಿಂದ 31ರವರೆಗೆ ಸಂಪೂರ್ಣ ಲಾಕ್‍ಡೌನ್ : ಜಿಲ್ಲಾಧಿಕಾರಿ