West Indies; 9 ಕ್ರಿಕೆಟರ್‌ ಜತೆ ಬಹುವರ್ಷ ಒಪ್ಪಂದ

ಆ್ಯಂಟಿಗುವಾ: ಕ್ರಿಕೆಟ್‌ ಇತಿಹಾಸದಲ್ಲಿ ವೆಸ್ಟ್‌ ಇಂಡೀಸ್‌ ಐತಿಹಾಸಿಕ ಹೆಜ್ಜೆಯೊಂದನ್ನು ಇಟ್ಟಿದೆ. ಏಕದಿನ ಕ್ರಿಕೆಟ್‌ ಉಪನಾಯಕ ಅಲ್ಜಾರಿ ಜೋಸೆಫ್, ಪ್ರಮುಖ ವೇಗಿ ಶಮರ್‌ ಜೋಸೆಫ್, ಮಹಿಳಾ ಟಿ20 ನಾಯಕಿ ಹೇಲಿ ಮ್ಯಾಥ್ಯೂಸ್‌ ಮತ್ತು ಉಪನಾಯಕಿ ಶೆಮೈನ್‌ ಕ್ಯಾಂಪ್‌ಬೆಲ್‌ ಸೇರಿ ಒಟ್ಟು 9 ಆಟಗಾರರ ಜತೆಗೆ ಮುಂದಿನ 2 ವರ್ಷಗಳ ರಾಷ್ಟ್ರೀಯ ಒಪ್ಪಂದ ಮಾಡಿಕೊಂಡಿದೆ.

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಮಂಡಳಿ ಪುರುಷರ ವಿಭಾಗದಲ್ಲಿ ಒಟ್ಟು 15 ಮಂದಿಗೆ ಬಹುವರ್ಷ ಒಪ್ಪಂದದ ಕೊಡುಗೆ ನೀಡಿತ್ತು. ಇದರಲ್ಲಿ 6 ಮಂದಿ ಒಪ್ಪಂದ ಸ್ವೀಕರಿಸಿದ್ದಾರೆ. ಇನ್ನು ಮಹಿಳೆಯರಲ್ಲಿ 15 ಮಂದಿಯಲ್ಲಿ 3 ಮಂದಿ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ ಎಂದು ವರದಿ ಹೇಳಿದೆ.