ವೆಸ್ಟ್ ಇಂಡೀಸ್- ಇಂಗ್ಲೆಂಡ್ ದ್ವಿತೀಯ ಬ್ರಿಜ್‌ಟೌನ್‌ ಟೆಸ್ಟ್‌ ಡ್ರಾನಲ್ಲಿ ಅಂತ್ಯ

ಬ್ರಿಜ್‌ಟೌನ್‌ (ಬಾರ್ಬಡಾಸ್‌): ವೆಸ್ಟ್‌ ಇಂಡೀಸ್‌-ಇಂಗ್ಲೆಂಡ್‌ ನಡುವಿನ ಬ್ರಿಜ್‌ಟೌನ್‌ ಟೆಸ್ಟ್‌ ಪಂದ್ಯ ನಿರೀಕ್ಷೆಯಂತೆ ಡ್ರಾಗೊಂಡಿದೆ.

ಗೆಲುವಿಗೆ 282 ರನ್‌ ಗುರಿ ಪಡೆದ ವೆಸ್ಟ್‌ ಇಂಡೀಸ್‌, ಪಂದ್ಯದ ಅವಧಿ ಮುಗಿಯುವಾಗ 5 ವಿಕೆಟಿಗೆ 135 ರನ್‌ ಗಳಿಸಿತ್ತು. ಮತ್ತೂಮ್ಮೆ ಕಪ್ತಾನನ ಆಟವಾಡಿದ ಕ್ರೆಗ್‌ ಬ್ರಾತ್‌ವೇಟ್‌ 56 ರನ್‌ ಮಾಡಿ ಅಜೇಯರಾಗಿ ಉಳಿದರು. ಮೊದಲ ಇನ್ನಿಂಗ್ಸ್‌ ನಲ್ಲಿ 160 ರನ್‌ ಬಾರಿಸಿದ್ದರು. ಈ ಬ್ಯಾಟಿಂಗ್‌ ಸಾಧನೆಗಾಗಿ ಅವರಿಗೆ ಪಂದ್ಯಶ್ರೇಷ್ಠ ಗೌರವ ಒಲಿಯಿತು.

ಇಂಗ್ಲೆಂಡ್‌ ಕೂಡ ದ್ವಿತೀಯ ಸರದಿಯಲ್ಲಿ ಬ್ಯಾಟಿಂಗ್‌ ಕುಸಿತ ಕಂಡು 6 ವಿಕೆಟಿಗೆ 185 ರನ್‌ ಮಾಡಿ ಡಿಕ್ಲೇರ್‌ ಮಾಡಿತು.

ಸರಣಿಯ ಮೊದಲ ಟೆಸ್ಟ್‌ ಕೂಡ ಡ್ರಾಗೊಂಡಿತ್ತು. 3ನೇ ಹಾಗೂ ಅಂತಿಮ ಟೆಸ್ಟ್‌ ಮಾ. 24ರಂದು ಸೇಂಟ್‌ ಜಾಜ್‌Õì ನಲ್ಲಿ ಆರಂಭವಾಗಲಿದೆ.

ಇದನ್ನೂ ಓದಿ:ಲಂಡನ್‌ನಲ್ಲಿ ಭಾರತೀಯ ಮೂಲದ ಯುವತಿ ಬರ್ಬರ ಹತ್ಯೆ

ಸಂಕ್ಷಿಪ್ತ ಸ್ಕೋರ್‌: ಇಂಗ್ಲೆಂಡ್‌-9 ವಿಕೆಟಿಗೆ 507 ಡಿಕ್ಲೇರ್‌ ಮತ್ತು 6 ವಿಕೆಟಿಗೆ 185 ಡಿಕ್ಲೇರ್‌. ವೆಸ್ಟ್‌ ಇಂಡೀಸ್‌-411 ಮತ್ತು 5 ವಿಕೆಟಿಗೆ 135.

ಪಂದ್ಯಶ್ರೇಷ್ಠ: ಕ್ರೆಗ್‌ ಬ್ರಾತ್‌ವೇಟ್‌.