DRDO; ನಿರ್ಭಯ್‌ ಪರೀಕ್ಷಾರ್ಥ ಉಡಾವಣೆ ಯಶಸ್ವಿ

ಬಾಲಾಸೋರ್‌: ಒಡಿಶಾದ ಕರಾವಳಿಯಲ್ಲಿ ಸ್ವದೇಶಿ ನಿರ್ಭಯ್‌ ಕ್ರೂಸ್‌ ಕ್ಷಿಪಣಿಯ ಪರೀಕ್ಷಾರ್ಥ ಉಡಾವಣೆಯನ್ನು ಗುರುವಾರ ಭಾರತ ಯಶಸ್ವಿಯಾಗಿ ನಡೆಸಿತು.

ಸ್ವದೇಶಿ ತಂತ್ರಜ್ಞಾನ ಕ್ರೂಸ್‌ ಕ್ಷಿಪಣಿ(ಐಟಿಸಿಎಂ) ಎಂದು ಕರೆಯ ಲ್ಪಡುವ ಈ ನಿರ್ಭಯ್‌ ಕ್ರೂಸ್‌ ಕ್ಷಿಪಣಿಯು ದೇಶೀಯ ಪ್ರೊಪಲ್ಶನ್‌ ಸಿಸ್ಟಂ ಮತ್ತು ಮಾನಿಕ್‌ ಟರ್ಬೋಫ್ಯಾನ್‌ ಎಂಜಿನ್‌ ಹೊಂದಿದೆ.

ಡಿಆರ್‌ಡಿಒ ಪ್ರಯೋಗಾಲಯ ವಾದ ಏರೋ ನಾಟಿಕಲ್‌ ಡೆವಲಪ್ ಮೆಂಟ್ ಎಸ್ಟಾಬ್ಲಿಷ್ಮೆಂಟ್‌(ಎಡಿಇ) ಈ ಸ್ವದೇಶಿ ಕ್ಷಿಪಣಿಯನ್ನು ಹಾಗೂ ಅದರಲ್ಲಿ ಬಳ ಸುವ ಶಬ್ದಾತೀತ ಆಯುಧ(ಸೂಪರ್‌ಸಾನಿಕ್‌ ವೆಪನ್‌)ವನ್ನು ಅಭಿವೃದ್ಧಿಪಡಿ ಸಿದೆ. ಅಲ್ಲದೇ ದೇಶೀಯ ಪ್ರೊಪಲ್ಶನ್‌ ಸಿಸ್ಟಮ್‌ ಅನ್ನು ಬೆಂಗಳೂರಿನಲ್ಲಿರುವ ಗ್ಯಾಸ್‌ ಟರ್ಬೈನ್‌ ರಿಸರ್ಚ್‌ ಎಸ್ಟಾಬ್ಲಿ ಷ್ಮೆಂಟ್‌(ಜಿಟಿಆರ್‌ಇ) ಅಭಿವೃದ್ಧಿ ಪಡಿಸಿದೆ. ಒಡಿಶಾ ಕರಾವಳಿಯ ಚಾಂದೀಪುರದಲ್ಲಿರುವ ಇಂಟಿಗ್ರೇಟೆಡ್‌ ಟೆಸ್ಟ್‌ ರೇಂಜ್‌(ಐಟಿಆರ್‌)ನಲ್ಲಿ ಡಿಆರ್‌ಡಿಒ ನಿರ್ಭಯ್‌ ಕ್ರೂಸ್‌ ಕ್ಷಿಪಣಿಯ ಪರೀಕ್ಷಾರ್ಥ ಉಡಾವಣೆ ನಡೆಸಿದ್ದು, ರಕ್ಷಣ ಸಚಿವ ರಾಜನಾಥ್‌ ಸಿಂಗ್‌ ಅವರು ಡಿಆರ್‌ಡಿಒ ಅನ್ನು ಅಭಿನಂದಿಸಿದ್ದಾರೆ.