Advertisement
“ಫಿಲ್‌ ಸಿಮನ್ಸ್‌ ಜವಾಬ್ದಾರಿ ಮರೆತು ಆರೋಗ್ಯ ನಿಯಮವನ್ನು ಗಾಳಿಗೆ ತೂರಿದ್ದಾರೆ. ಜೈವಿಕ ಸುರಕ್ಷಾ ವಲಯದಿಂದ ಹೊರಗೆ ಹೋಗಿ ಮಾವನ ಅಂತ್ಯಕ್ರಿಯೆಯಲ್ಲಿ ಪಾಲ್ಗೊಂಡು ಪುನಃ ವಾಪಸಾದದ್ದು ದೃಢಪಟ್ಟಿದೆ. ಇದಕ್ಕಾಗಿ ಅವರು ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಮಂಡಳಿಯ ಅನುಮತಿ ಪಡೆದಿರಬಹುದು, ಈಗ ಕ್ವಾರಂಟೈನ್‌ನಲ್ಲಿ ಇರಬಹುದು, ಆದರೆ ಇದು ಅಪಾಯಕಾರಿ ನಡೆಯಾಗಿದೆ’ ಎಂದು ಮಂಡಳಿಯ ಓರ್ವ ಸದಸ್ಯ ಕಾಂಡೆ ರಿಲೀ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಅವರು ಬಾರ್ಬಡಾಸ್‌ ಕ್ರಿಕೆಟ್‌ ಮಂಡಳಿಯ (ಬಿಸಿಎ) ಅಧ್ಯಕ್ಷರೂ ಆಗಿದ್ದಾರೆ.
“ಇಂಗ್ಲೆಂಡ್‌ ಪ್ರವಾಸದಲ್ಲಿರುವ ವಿಂಡೀಸ್‌ ತಂಡದಲ್ಲಿ 14 ಆಟಗಾರರು ಬಾರ್ಬಡಾಸ್‌ನವರಾಗಿದ್ದಾರೆ. ಇವರ ಕುಟುಂಬದವರು ಮತ್ತು ಬಿಸಿಎ ನನ್ನ ಮೇಲೆ ಮುಗಿಬಿದ್ದಿದ್ದಾರೆ. ಇದು ನಿರ್ಲಕ್ಷಿಸುವ ಸಂಗತಿಯಲ್ಲ…’ ಎಂದು ರಿಲೀ ಹೇಳಿದ್ದಾರೆ.