1st ODI: ಇಂಗ್ಲೆಂಡ್‌ ವಿರುದ್ಧ ವಿಂಡೀಸ್‌ಗೆ 8 ವಿಕೆಟ್‌ ಜಯ

ನಾರ್ಥ್ಸೌಂಡ್‌ (ಆ್ಯಂಟಿಗುವಾ): ಪ್ರವಾಸಿ ಇಂಗ್ಲೆಂಡ್‌ ಎದುರಿನ ಮೊದಲ ಏಕದಿನ ಪಂದ್ಯವನ್ನು ಗೆದ್ದ ವೆಸ್ಟ್‌ ಇಂಡೀಸ್‌ ಶುಭಾರಂಭ ಮಾಡಿದೆ. ಮಳೆಯಿಂದ ಅಡಚಣೆಗೊಳಗಾದ ಈ ಪಂದ್ಯವನ್ನು ವಿಂಡೀಸ್‌ ಡಿಎಲ್‌ಎಸ್‌ ನಿಯಮದಂತೆ 8 ವಿಕೆಟ್‌ಗಳಿಂದ ತನ್ನದಾಗಿಸಿಕೊಂಡು 3 ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿತು.

ಇಂಗ್ಲೆಂಡ್‌ 45.1 ಓವರ್‌ಗಳಲ್ಲಿ 209ಕ್ಕೆ ಕುಸಿಯಿತು. ಮಳೆ ಸುರಿದ ಕಾರಣ ವೆಸ್ಟ್‌ ಇಂಡೀಸ್‌ಗೆ 35 ಓವರ್‌ಗಳಲ್ಲಿ 157 ರನ್‌ ಗುರಿ ಲಭಿಸಿತು. ಅದು 25.5 ಓವರ್‌ಗಳಲ್ಲಿ ಎರಡೇ ವಿಕೆಟ್‌ ನಷ್ಟದಲ್ಲಿ ಗುರಿ ಮುಟ್ಟಿತು. ಇದು ಲಿಯಮ್‌ ಲಿವಿಂಗ್‌ಸ್ಟೋನ್‌ ನಾಯಕತ್ವದ ಮೊದಲ ಏಕದಿನ ಪಂದ್ಯವಾಗಿತ್ತು.

ಚೇಸಿಂಗ್‌ ವೇಳೆ ಎಡಗೈ ಆರಂಭಕಾರ ಎವಿನ್‌ ಲೂಯಿಸ್‌ 64 ಎಸೆತಗಳಿಂದ 94 ರನ್‌ ಹೊಡೆದರು. ಇದರಲ್ಲಿ 8 ಪ್ರಚಂಡ ಸಿಕ್ಸರ್‌ ಹಾಗೂ 5 ಬೌಂಡರಿ ಸೇರಿತ್ತು. ಇಂಗ್ಲೆಂಡ್‌ ಪರ 48 ರನ್‌ ಮಾಡಿದ ನಾಯಕ ಲಿಯಮ್‌ ಲಿವಿಂಗ್‌ಸ್ಟೋನ್‌ ಅವರದೇ ಹೆಚ್ಚಿನ ಗಳಿಕೆ. ಸ್ಯಾಮ್‌ ಕರನ್‌ 37, ಜೇಕಬ್‌ ಬೆಥೆಲ್‌ 27 ರನ್‌ ಮಾಡಿದರು. ವಿಂಡೀಸ್‌ ಸಾಂ ಕ ಬೌಲಿಂಗ್‌ ಮೂಲಕ ಯಶಸ್ಸು ಸಾಧಿಸಿತು. ಗುಡಾಕೇಶ್‌ ಮೋಟಿ 4 ವಿಕೆಟ್‌; ಮ್ಯಾಥ್ಯೂ ಫೋರ್ಡ್‌, ಜೇಡನ್‌ ಸೀಲರ್ ಮತ್ತು ಅಲ್ಜಾರಿ ಜೋಸೆಫ್ ತಲಾ 2 ವಿಕೆಟ್‌ ಉರುಳಿಸಿದರು. ಮೋಟಿ ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.

ಇದನ್ನೂ ಓದಿ: Congress ಬಣ್ಣ ಕೆಟ್ಟದಾಗಿ ಬಹಿರಂಗವಾಗಿದೆ: ಖರ್ಗೆ ಹೇಳಿಕೆ ಕುರಿತು ಪ್ರಧಾನಿ ಮೋದಿ ಲೇವಡಿ