West Bengal; ಮಹುವಾ ಮೊಯಿತ್ರಾಗೆ ಟಿಎಂಸಿ ಹೊಸ ಜವಾಬ್ದಾರಿ

ಕೋಲ್ಕತಾ: “ಪ್ರಶ್ನೆಗಾಗಿ ಲಂಚ’ ಪ್ರಕರಣ ಸಂಬಂಧ ಉಚ್ಚಾಟನೆ ಭೀತಿಯಲ್ಲಿರುವ ಸಂಸದೆ ಮಹುವಾ ಮೊಯಿತ್ರಾಗೆ ತೃಣಮೂಲ ಕಾಂಗ್ರೆಸ್‌(ಟಿಎಂಸಿ) ಹೊಸ ಜವಾಬ್ದಾರಿ ವಹಿಸಿದೆ.

2024ರ ಲೋಕಸಭೆ ಚುನಾವಣೆ ಹಿನ್ನೆಲೆಯಲ್ಲಿ ಅವರನ್ನು ಪಶ್ಚಿಮ ಬಂಗಾಲ ದ ಕೃಷ್ಣಾನಗರ ಜಿಲ್ಲೆಗೆ ಟಿಎಂಸಿ ಜಿಲ್ಲಾಧ್ಯಕ್ಷರನ್ನಾಗಿ ನೇಮಿಸ ಲಾಗಿದೆ. ಲೋಕ ಸಭೆ ಚುನಾವಣೆಗಾಗಿ ಜಿಲ್ಲೆಯಲ್ಲಿ ಪಕ್ಷವನ್ನು ಸಂಘಟಿಸುವ ಜವಾಬ್ದಾರಿಯನ್ನು ಅವರಿಗೆ ನೀಡಲಾಗಿದೆ. ಅದಾನಿ ಗ್ರೂಪ್‌ ವಿರುದ್ಧ ಲೋಕಸಭೆಯಲ್ಲಿ ಪ್ರಶ್ನೆ ಕೇಳಲು ಉದ್ಯಮಿ ದರ್ಶನ್‌ ಹೀರಾನಂದನಿ ಅವರಿಂದ ಐಷಾರಾಮಿ ಉಡುಗೊರೆಗಳನ್ನು ಮಹುವಾ ಸ್ವೀಕರಿಸಿದ್ದಾರೆ ಎಂಬ ಆರೋಪವಿದೆ. ಈ ಕುರಿತು ವಿಚಾರಣೆ ನಡೆಸಿರುವ ಲೋಕ ಸಭೆಯ ಎಥಿಕ್ಸ್‌ ಕಮಿಟಿಯು, ಸಂಸತ್‌ ಸದಸ್ಯತ್ವದಿಂದ ಮಹುವಾ ಉಚ್ಚಾಟನೆಗೆ ಶಿಫಾರಸು ಮಾಡಿದೆ.