ಫೆ.20ರಿಂದ ATMನಿಂದ 50 ಸಾವಿರ ರೂ. ವಿತ್ ಡ್ರಾ ಮಾಡಿ; ಆರ್ ಬಿಐ

ನವದೆಹಲಿ: ಅಪನಗದೀಕರಣದ ಬಳಿಕ ವಿತ್ ಡ್ರಾ ಮಿತಿಯಿಂದಾಗಿ ಜನಸಾಮಾನ್ಯರು ಸಾಕಷ್ಟು ತೊಂದರೆ ಅನುಭವಿಸಿದ್ದು, ಇದೀಗ ಆರ್ ಬಿಐ ಉಳಿತಾಯ ಖಾತೆಯ ವಾರದ ಎಟಿಎಂ ವಿತ್ ಡ್ರಾ ಮಿತಿಯನ್ನು ಫೆಬ್ರುವರಿ 20ರಿಂದ 24 ಸಾವಿರದಿಂದ 50 ಸಾವಿರಕ್ಕೆ ಹೆಚ್ಚಳ ಮಾಡಿದೆ.

ಮಾರ್ಚ್ 13ರ ಬಳಿಕ ಎಟಿಎಂ ವಿತ್ ಡ್ರಾಗೆ ಯಾವುದೇ ಮಿತಿ ಇಲ್ಲ ಎಂದು ಆರ್ ಬಿಐ ತಿಳಿಸಿದೆ. ಆರ್ ಬಿಐನ ಹಣಕಾಸು ನೀತಿ ಪರಾಮರ್ಶೆಯ ಸಮಿತಿ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

ಈ ಹಿಂದೆ ವಾರಕ್ಕೆ ಎಟಿಎಂನಿಂದ 24 ಸಾವಿರ ರೂಪಾಯಿ ವಿತ್ ಡ್ರಾ ಮಾಡಬಹುದಿತ್ತು. ಆದರೆ ಆಯಾ ಬ್ಯಾಂಕುಗಳು ವಿತ್ ಡ್ರಾ ಮಿತಿ ಹೇರಬಹುದು ಎಂದು ಆರ್ ಬಿಐ ಸೂಚಿಸಿತ್ತು.