ಬುಧವಾರದ ರಾಶಿಫಲದಲ್ಲಿ ನಿಮ್ಮ ಗ್ರಹಬಲ ಹೇಗಿದೆ : ಇಲ್ಲಿದೆ ನೋಡಿ

ಮೇಷ : ವಿದ್ಯಾರ್ಥಿಗಳು ಮಿತ್ರವರ್ಗಗಳ ಸಹವಾಸ ದಿಂದ ದುಶ್ಚಟಗಳಿಗೆ ದಾಸರಾಗುವ ಸಾಧ್ಯತೆಯು ಕಂಡುಬರುವುದು. ಸಾಂಸಾರಿಕವಾಗಿ ಬಂಧುಮಿತ್ರ ಬಳಗದವರ ಸಮಾಗಮದಿಂದ ಮನೆಯಲ್ಲಿ ಕಲರವ ಮೂಡೀತು.

ವೃಷಭ: ಪ್ರಯತ್ನಬಲ, ಆತ್ಮವಿಶ್ವಾಸ, ಪ್ರಾಮಾಣಿಕ ಯತ್ನಕ್ಕೆ ನಿಶ್ಚಿತ ರೂಪದಲ್ಲಿ ಯಶಸ್ಸು ನಿಮ್ಮನ್ನು ಹಿಂಬಾಲಿಸಲಿದೆ. ಹಿರಿಯರ ಆರೈಕೆ, ಸೂಕ್ತ ಸಲಹೆ ಮಾರ್ಗದರ್ಶನದಿಂದ ಮುನ್ನಡೆಗೆ ಸಾಧಕವಾಗಲಿದೆ. ಕೀರ್ತಿಯು ಹಿಂಬಾಲಿಸಲಿದೆ.

ಮಿಥುನ: ಹಲವು ಮಾರ್ಗಗಳಿಂದ ಧನಾಗಮನವಿದ್ದರೂ ಖರ್ಚುವೆಚ್ಚಗಳನ್ನು ಚಿಂತಿಸಿ, ಯೋಚಿಸಿ ಮಾಡುವುದು ಒಳಿತು. ವೃತ್ತಿರಂಗದ ಜವಾಬ್ದಾರಿ ವ್ಯಕ್ತಿಗಳಿಗೆ ಸದ್ಯದಲ್ಲೇ ಮುಂಭಡ್ತಿ ತಂದುಕೊಡಲಿದೆ. ಸಾಂಸಾರಿಕವಾಗಿ ನೆಮ್ಮದಿಯ ದಿನಗಳು.

 ಕರ್ಕ: ನೂತನ ವಾಹನ ಖರೀದಿ, ಶೇರು, ಲಾಟರಿ ಇತ್ಯಾದಿಗಳ ವಿನಿಯೋಗಕ್ಕೆ ಸಕಾಲವಾಗಿದೆ. ಮನೆಯ ಸ್ಥಿತಿಗತಿಗಳು ಸುಧಾರಿಸಲು ಹೆಚ್ಚಿನ ಪರಿಶ್ರಮದ ಅಗತ್ಯವಿದೆ. ಸಾಂಸಾರಿಕವಾಗಿ ಸಾಮರಸ್ಯವು ಕಂಡುಬರುವುದು.

ಸಿಂಹ: ನೀವು ಇಚ್ಛಿಸಿದ ಕೆಲಸಕಾರ್ಯಗಳು ಸುಸೂತ್ರ ವಾಗಿ ನೆರವೇರಲಿದೆ. ವೃತ್ತಿರಂಗದಲ್ಲಿ ಪ್ರಮುಖರ ಭೇಟಿಯಿಂದ ಕಾರ್ಯಾನುಕೂಲಕ್ಕೆ ಪೂರಕವಾಗಲಿದೆ. ಎಲ್ಲಾ ಕಡೆಗಳಿಂದ ಕಿರಿಕಿರಿ ಕಂಡುಬಂದು ಮನಸ್ಸು ಹಾಳು ಮಾಡಬಹುದು. ಕನ್ಯಾ: ದೈಹಿಕವಾಗಿ ಅಪಘಾತ, ಅವಘಡಗಳ ಸಂಭವವಿದೆ. ಒಮ್ಮೊಮ್ಮೆ ಕೋಪ, ಹಠ ಸಾಧನೆ, ಉದ್ವೇಗ ಹೆಚ್ಚಲಿದೆ. ಆರ್ಥಿಕವಾಗಿ ಹೆಚ್ಚಿನ ಏರಿಳಿತವಿಲ್ಲದೆ ವಿವಿಧ ಮೂಲಗಳಿಂದ ಧನಪ್ರಾಪ್ತಿಯ ಅನುಕೂಲವು ಕಂಡುಬರುವುದು.

 ತುಲಾ: ರಾಜಕೀಯದಲ್ಲಿ ಶತ್ರುಪೀಡೆ, ಕಾರ್ಯರಂಗದಲ್ಲಿ ದುಡುಕು ನಿರ್ಧಾರಗಳಿಂದ ಕಾರ್ಯಹಾನಿಯಾದೀತು ಪದಚ್ಯುತಿಗೆ ಶತ್ರುಗಳ ಸಹಕಾರ, ಹಣದ ದಾಹ, ಬೇಡಿಕೆಗಳ ಹೆಚ್ಚಳ ಕೆಲವು ಸಮಯದವರೆಗೆ ಮುಂದುವರಿಯಲಿದೆ.

ವೃಶ್ಚಿಕ: ದುಶ್ಚಟಗಳಿಗೆ ದಾಸರಾದ ಮಿತ್ರರ ಸಹಯೋಗ ಅಪವಾದವನ್ನು ತಂದೀತು. ಅವಿವಾಹಿತರಿಗೆ, ನಿರುದ್ಯೋಗಿಗಳಿಗೆ ಅಚ್ಚರಿಯ ವಾರ್ತೆ ತಂದೀತು. ಸುಖ ಹಾಗೂ ಸಂಪತ್ತಿನ ಸ್ಥಿರತೆ ತೋರಿಬಂದರೂ ಆರೋಗ್ಯಹಾನಿಯಾದೀತು.

ಧನು: ಕೌಟುಂಬಿಕವಾಗಿ ಆಸ್ತಿಪಾಸ್ತಿಗಳಿಗಾಗಿ ಭಿನ್ನಾಭಿಪ್ರಾಯದಿಂದ ನ್ಯಾಯಾಂಗದ ದರ್ಶನ ವಾದೀತು. ನಿರುದ್ಯೋಗಿಗಳು ಕಾರ್ಯವಾಸಿ ಕತ್ತೆ ಕಾಲು ಹಿಡಿ ಎಂಬಂತೆ ಸ್ವಾಭಿಮಾನ ಬದಿಗೊತ್ತಿ ಅವಕಾಶವನ್ನು ಪಡೆವ ಸ್ಥಿತಿ.

ಮಕರ: ವ್ಯಾಪಾರ, ವಹಿವಾಟಿನಲ್ಲಿ ಒಳ್ಳೆಯ ಆದಾಯ ನಿಮ್ಮದಾಗಲಿದೆ. ಕೆಲವೊಮ್ಮೆ ನಿಮ್ಮತನವನ್ನು ಮರೆಯಲೆಂದು ಹಲವು ಖರ್ಚು-ವೆಚ್ಚಗಳನ್ನು ಭರಿಸು ವಂತಾದೀತು. ಆದಾಯವೃದ್ಧಿಯಿಂದ ಹರುಷದ ಹೊನಲು ಹರಿದೀತು.

ಕುಂಭ: ಯಥೇಷ್ಟ ಆದಾಯದ ಆಗಮನದಿಂದ ಕೆಲಸಕಾರ್ಯಗಳಲ್ಲಿ ಮುನ್ನಡೆಗೆ ಪೂರಕವಾಗುತ್ತದೆ. ಹೊಸ ಉದ್ಯೋಗದಿಂದ ಧನಲಾಭ ಇಮ್ಮಡಿಯಾದೀತು. ಸಾಂಸಾರಿಕವಾಗಿ ನೆಮ್ಮದಿ ಇರುತ್ತದೆ. ಆಭರಣ ಖರೀದಿ ಇದ್ದೀತು.

ಮೀನ: ಗೃಹಬಳಕೆಯ ಹಾಗೂ ಅಲಂಕರಣ ಸಾಮಾಗ್ರಿ ಗಳ ಖರೀದಿಯಿಂದ ಖರ್ಚು ತೋರಿಬರುವುದು. ಹೊಸ ಯೋಜನೆಗಳ ಸಾಫ‌ಲ್ಯವಾಗಲಿದೆ. ವಿದ್ಯಾರ್ಥಿಗಳಿಗೆ ವಿದ್ಯಾಪ್ರಗತಿ, ನಿರುದ್ಯೋಗಿಗಳಿಗೆ ಉದ್ಯೋಗ ಲಾಭವಿರುತ್ತದೆ.