ಟೇಬಲ್‌ ಕ್ಲಾತ್‌ ಸಮೇತ ರ್‍ಯಾಂಪ್‌ ವಾಕ್‌!-ವೀಡಿಯೋ ವೈರಲ್‌

ಫ್ಯಾಶನ್‌ನಲ್ಲಿ ಹೊಸತನ ಇರಬೇಕು. ಫ್ಯಾಶನ್‌ ಶೋಗಳಲ್ಲಿ ಚಿತ್ರ-ವಿಚಿತ್ರ ಉಡುಪುಗಳ ಮೂಲಕ ವೀಕ್ಷಕರ ಹುಬ್ಬೇರುವಂತೆ ಮಾಡುವುದು ಹೊಸ ಟ್ರೆಂಡ್‌ ಆಗಿದೆ. ಇದಕ್ಕೆ ಹೊಸ ಸೇರ್ಪಡೆಯಂಬಂತೆ ಟೇಬಲ್‌ ಕ್ಲಾತ್‌ ಸಮೇತ ರೂಪದರ್ಶಿ ರ್‍ಯಾಂಪ್‌ ವಾಕ್‌ ಮಾಡಿರುವ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ವೀಡಿ ಯೋದಲ್ಲಿ, ರೂಪದರ್ಶಿ ಸಾರಾ ಡಾಲ್‌ ಅತಿಥಿ ಗಳೊಂದಿಗೆ ಊಟಕ್ಕೆ ಕೂತಿರುತ್ತಾರೆ. ರೌಂಡ್‌ ಟೇಬಲ್‌ನಲ್ಲಿ ಆಕೆಯ ಅಕ್ಕ-ಪಕ್ಕ ಕೂತಿರುವರು ಅರ್ಧ ಊಟ ಮುಗಿಸಿರುತ್ತಾರೆ. ಸಾರಾ ಹಾಕಿರುವ ಉಡುಪು ಟೇಬಲ್‌ ಕ್ಲಾತ್‌ ಒಳಗೊಂಡಿರುತ್ತದೆ.

ಮೇಜಿನಲ್ಲಿ ಭಕ್ಷ್ಯ ಭೋಜನಗಳನ್ನು ಇಟ್ಟಿರುವಂತೆಯೇ ಆಕೆ ಟೇಬಲ್‌ ಕ್ಲಾತ್‌ ಸಮೇತ ರ್‍ಯಾಂಪ್‌ ವಾಕ್‌ ಮಾಡುತ್ತಾರೆ. ಈ ವೀಡಿಯೋ ಅನ್ನು 23,000ಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ.