War; ಲೆಬನಾನ್‌ ಮೇಲೆ ಇಸ್ರೇಲ್‌ ದಾಳಿ?:ವಿದೇಶಿ ಜನರಿಗೆ ಮರಳಲು ಕರೆ

ಟೆಲ್‌ ಅವಿವ್‌: 12 ಮಕ್ಕಳ ಸಾವಿಗೆ ಕಾರಣವಾದ ಗೋಲನ್‌ ಹೈಟ್ಸ್‌ ದಾಳಿಗೆ ಪ್ರತೀಕಾರವಾಗಿ ಇಸ್ರೇಲ್‌ ಲೆಬನಾನ್‌ ಮೇಲೆ ದಾಳಿ ನಡೆಸುವ ಸಾಧ್ಯತೆ ಇರುವುದರಿಂದ ಅಮೆರಿಕ ಸೇರಿ ಯುರೋಪ್‌ನ ಅನೇಕ ರಾಷ್ಟ್ರಗಳು ತಮ್ಮ ಪ್ರಜೆಗಳಿಗೆ ಎಚ್ಚರಿಕೆ ನೀಡಿವೆ. ಅಲ್ಲದೆ, ಲೆಬನಾನ್‌ ತೊರೆಯುವಂತೆ ಸೂಚಿಸಿವೆ.

ಲೆಬನಾನ್‌ ಹೆಜ್ಬುಲ್ಲಾ ಉಗ್ರರು ಇಸ್ರೇಲ್‌ ನಿಯಂತ್ರಿತ ಗೋಲನ್‌ ಹೈಟ್ಸ್‌ ಮೇಲೆ ರಾಕೆಟ್‌ ದಾಳಿ ನಡೆಸಿದ್ದರಿಂದ 12 ಮಕ್ಕಳು ಮೃತಪಟ್ಟಿದ್ದರು. ಆದರೆ, ಈ ದಾಳಿಯನ್ನು ಹೆಜ್ಬುಲ್ಲಾ ನಿರಾಕರಿಸಿತ್ತು. ಹೀಗಿದ್ದೂ, ಇಸ್ರೇಲ್‌ ಪ್ರತೀಕಾರಕ್ಕೆ ಮುಂದಾಗಿರುವಂತೆ ಕಾಣುತ್ತಿದೆ ಎನ್ನಲಾಗಿದೆ. ಅಲ್ಲದೇ, ಸೂಕ್ತ ಉತ್ತರ ನೀಡುವಂತೆ ಇಸ್ರೇಲ್‌ನಲ್ಲೂ ಒತ್ತಡ ಹೆಚ್ಚಾಗಿದೆ. ಈ ಹಿನ್ನೆಲೆಯಲ್ಲಿ ಬಹುತೇಕ ರಾಷ್ಟ್ರಗಳು ತಮ್ಮ ಪ್ರಜೆಗಳಿಗೆ ವಾಪಸ್‌ ಮರಳುವಂತೆ ಸೂಚಿವೆ.