ಸ್ಮರಣೀಯ ಟೆಸ್ಟ್‌: ಅಶ್ವಿ‌ನ್‌

ಗಾಲೆ: ಶ್ರೀಲಂಕಾ ವಿರುದ್ಧ ಗಾಲೆಯಲ್ಲಿ ನಡೆದ ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಭಾರತ 304 ರನ್ನುಗಳ ಭರ್ಜರಿ ಜಯ ದಾಖಲಿಸಲು ನೆರವಾದ ಆರ್‌. ಅಶ್ವಿ‌ನ್‌ ಅವರಿಗಿದು ಸ್ಮರಣೀಯ ಟೆಸ್ಟ್‌ ಆಗಿದೆ. ಯಾಕೆಂದರೆ ಇದು ಅವರ 50ನೇ ಟೆಸ್ಟ್‌ ಪಂದ್ಯವಾಗಿದೆ.

ಈ ಪಂದ್ಯದ ನಾಲ್ಕನೇ ದಿನ ಅವರು ಮೂರು ವಿಕೆಟ್‌ ಕಿತ್ತು ತಂಡದ ಗೆಲುವಿನಲ್ಲಿ ಮಹತ್ತರ ಪಾತ್ರ ವಹಿಸಿದರು. 50ನೇ ಟೆಸ್ಟ್‌ ಆಡಿದ್ದಕ್ಕೆ ಶ್ರೀಲಂಕಾ ಮಂಡಳಿ ಅಶ್ವಿ‌ನ್‌ ಅವರಿಗೆ ವಿಶೇಷ ಸ್ಮರಣಿಕೆಯನ್ನು ನೀಡಿ ಗೌರವಿಸಿದೆ.

ಅತೀ ವೇಗದ 250 ಟೆಸ್ಟ್‌ ವಿಕೆಟ್‌ ಕಿತ್ತಿರುವ ಅಶ್ವಿ‌ನ್‌ ಸದ್ಯ 279 ವಿಕೆಟ್‌ ಉರುಳಿಸಿದ್ದಾರೆ. ರಿಚರ್ಡ್‌ ಹ್ಯಾಡ್ಲಿ ಅವರಿಗಿಂತ 17 ವಿಕೆಟ್‌ ಹೆಚ್ಚು ಪಡೆದಿದ್ದಾರೆ. ಇನ್ನು 21 ವಿಕೆಟ್‌ ಪಡೆದರೆ ಅತೀ ವೇಗದಲ್ಲಿ 300 ವಿಕೆಟ್‌ ಕಿತ್ತ ಸಾಧನೆ ಮಾಡುವ ಸಾಧ್ಯತೆಯಿದೆ. ಆರು ವರ್ಷಗಳ ಹಿಂದೆ ಅವರು ಟೆಸ್ಟ್‌ಗೆ ಪಾದಾರ್ಪಣೆಗೈದಿದ್ದರು.