ಮಧ್ಯಪ್ರದೇಶ ಉಪ ಚುನಾವಣೆ: ಶಾಂತಿಯುತ ಮತದಾನ

ಭೋಪಾಲ್‌ : ಮಧ್ಯ ಪ್ರದೇಶದ ಮುಂಗೋಲಿ ಮತ್ತು ಕೋಲಾರಸ್‌ ಅಸೆಂಬ್ಲಿ ಕ್ಷೇತ್ರಗಳಿಗೆ ಇಂದು ನಡೆಯುತ್ತಿರುವ ಉಪ ಚುನಾವಣೆಗೆ ಬೆಳಗ್ಗೆ 8 ಗಂಟೆಗೆ ಮತದಾನ ಆರಂಭವಾಗಿದೆ.

ಕೋಲಾರಸ್‌ ಕ್ಷೇತ್ರದ 57ನೇ ಬೂತ್‌ನಲ್ಲಿ ಮತದಾನ ಆರಂಭವಾದಾಗ ಇವಿಎಂ ನಲ್ಲಿ ದೋಷ ಕಂಡು ಬಂದು ಮತದಾನ ಪ್ರಕ್ರಿಯೆ ಅಡಚಣೆಗೆ ಗುರಿಯಾಯಿತು. ಅನಂತರ ಅದನ್ನು ಸರಿಪಡಿಸಲಾಗಿ ಮತ್ತೆ ಮತದಾನ ಸಾಂಗವಾಗಿ ಮುಂದುವರಿಯಿತು ಎಂದು ಮೂಲಗಳು ತಿಳಿಸಿವೆ. 

ಮುಂಗೋಲಿ ಕ್ಷೇತ್ರದ ಕಾಂಗ್ರೆಸ್‌ ಶಾಸಕ ಮಹೇಂದ್ರ ಸಿಂಗ್‌  ಕಲುಖೇಡ ಮತ್ತು ಕೊಲಾರಸ್‌ ಕ್ಷೇತ್ರದ ಕೈ ಶಾಸಕ ರಾಮ್‌ ಸಿಂಗ್‌ ಯಾದವ್‌ ಅವರ ನಿಧನದಿಂದಾಗಿ ಉಪ ಚುನಾವಣೆ ಅನಿವಾರ್ಯವಾಗಿದೆ.